Volodimir Mikolayenko
Володимир Василевич Миколаенко (украинча: Володимир Васильович Миколаєнко, 1960-йил 8-апрел) — украиналик сиёсатчи. 2014-йил 25-майда бўлиб ўтган Херсон мерининг навбатдан ташқари сайловларида Херсон мери этиб сайланган. Бунгача Херсон шаҳар кенгаши котиби лавозимини эгаллаб, вақтинча мер лавозимида ишлаган. Партиясиз.
Володимир Василевич Миколаенко | |
 | |
| Шахсий маълумотлари | |
|---|---|
| Таваллуди |
1960-йил 8-апрел Херсон, Украина ССР. СССР |
| Сиёсий партияси | партиясиз |
| Таълим | Севастопол давлат университети |
| Касби | муҳандис ва кема механиги |
Биографияси
Володимир Миколаенко хизматчилар оиласида туғилган[1]. 1967-йилда Херсондаги 16-мактабга ўқишга борган. Мактабни тугатгандан сўнг, 1975-йилда Херсон балиқчилик саноатининг денгизчилик билим юртига кема электростансияларини эксплуатация қилиш мутахассислиги бўйича ўқишга киради. 1979-йилда билим юртни денгиз механикаси мутахассислиги бўйича тамомлаган. Миколаенко Владивостокдаги трал ва рефрижераторли флоти базасида 1982-йилгача кема механики бўлиб ишлаган. 1982-йилдан 1991-йилгача Херсон консерва заводида ишлаган[1].
1984-йилда Херсон саноат институтига, кейин эса Севастопол асбобсозлик институтига ўқишга киради ва уни 1990-йилда тугатиб, денгиз муҳандиси мутахасссилигига эга бўлган. 1991-йилдан Херсон вилояти балиқчилик колхозлари иттифоқи флотида механик бўлиб ишлаган. 1993-йилдан 2006-йил май ойигача хусусий корхона раҳбари лавозимида ишлаган[1].
2006-йил июн ойида Херсондаги Днепр туман кенгаши раисининг ўринбосари лавозимини эгаллайди. Худди шу йили 5-чақириқ Херсон шаҳар кенгашига сайланган ва 2010-йилда яна шаҳар кенгашига сайланган[1].
Евромайдан иштирокчиси, шундан сўнг 2014-йил май ойида Херсон мери этиб сайланди[2].
Украина шарқидаги норозилик намойишлари чоғида Херсондаги провокацияларнинг олдини олиш ва айирмачилар томонидан шаҳарни эгаллаб олишнинг иложи йўқлиги борасида ўзининг қаттиқ позициясини билдиради[3].
2015-йилда 1-босқичда 24,81 фоиз (20 903 киши), иккинчи босқичда эса 67,78 фоиз (37 532 киши) овоз тўплаган ҳолда шаҳар ҳокими этиб сайланади.
Манбалар
- ↑ 1,0 1,1 1,2 1,3 „МИКОЛАЄНКО ВОЛОДИМИР ВАСИЛЬОВИЧ“. Қаралди: 2024-йил 25-май.
- ↑ „Глава городской "Батькивщины" обошел оппонентов.“. 1+1 (2014-йил 28-май). 2015-йил 18-майда асл нусхадан архивланган. Қаралди: 2015-йил 13-май.
- ↑ „Владимир Миколаенко: «Если потребуется, будем стрелять на поражение»“. 2015-йил 10-январда асл нусхадан архивланган. Қаралди: 2015-йил 13-май.