Walt Whitman
УИТМЕН (Wҳитман) Уолт (181931.5, УэстХилс, Хантингтон, НюЁрк штати— 1892. 26.3, Камден, НюЖерси штати) — америкалик шоир[1]. У о'зининг Ижодида демократик идеалларни мужассамлаштирган. Унинг „Маиса япроқлари“ (1855-1891) тўпламига шоирнинг энг яхши асарлари киритилган. Бу асарнинг асосий ғоялари транссендентализм таълимоти билан боғлиқ: коинотнинг узвийлиги (гармонияси), дўстлик қадриятлари, инсоният бирдамлиги, черков ақидаларига қарши исён ва бошқа „Янгра, ноғора!“ (1865) деб номланган шеърий тўплами эса Фуқаролар урушига бағишланган. Кўпгина олимлар уни дунё демократияси шоири деб таърифлашган. Унинг шеърларида ижодкор халқнинг келажакда мукаммал демократик жамият қуришига ишонч оҳанглари янграйди. унинг шеъриятга янги мазмун ва янги шакл зарурлиги ҳақидаги фикрлари „Кўргазма ҳақида қўшиқ“ (1871) номли достонида ўз аксини топган[2]. Қолаверса, у ўз шеъриятининг асосий мақсадини барча халқларнинг тенглиги ва қардошлигини куйлаш деб таъкидлаган. Ёзувчи ўз ижодида янги, ёш миллат шаклланишини акс эттиришга ҳаракат қилган. Бундан ташқари, Уитмен дадил новатор бўлган ҳамда шеърга прозаик нутқ унсурларини олиб кирган. Ёзувчи вазнсиз ва қофиясиз эркин шеърни янада такомиллаштирган. Уитменнинг насри ҳам унинг шеърияти билан боғлиқ. Насрий асарларида ҳам бутун инсоният бирлиги г'ояларини илгари сурган, фан ва техника тараққиётига оптимистик назар билан қараган. Унинг айрим шеърлари Азиз Сайид томонидан ўзбек тилига таржима қилинган[3].
Адабиёт
- Бенедиктова Т.Д., Поэзия Уолта Уитмена, М, 1982; Чуковский К.И., Мой Уитмен, М., 1969; Менделсон М., Жизн и творчество Уитмена, М., 1969.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |
- ↑ „Wалт Wҳитман“. Қаралди: 5-сентябр 2024-йил.
- ↑ „Wалт Wҳитман“. Қаралди: 5-сентябр 2024-йил.
- ↑ „Wалт Wҳитман“. Қаралди: 5-сентябр 2024-йил.