Ziyosfera

Xanna Raych

Ханна Райч (1912-йил 29-март – 1979-йил 24-август) – машҳур немис учувчиси бўлиб, Иккинчи жаҳон уруши даврида Германия ҳарбий авиацияси тарихида ўзининг муҳим ўрнини эгаллаган. У кўплаб янги самолётларни синовдан ўтказган ва ўз фаолияти давомида кўплаб мукофотларга сазовор бўлган. Мелитта фон Штауфенберг билан бирга, Германия авиациясидаги саноқли аёл учувчилардан бири эди. Райч 1945-йил апрел ойида Адолф Гитлер билан учрашган сўнгги шахслардан бири сифатида ҳам тарихга киритлган[1].

Ханна Райч

Ханна Райч .1941-йил
Таваллуди 29-март 1912-йил
Ҳирсчберг, Силесиа провинсияси, Пруссия қироллиги, Германия Империяси
Вафоти 24 Август 1979-йил
Франкфурт ам Маин, Ҳессе

Ҳаёт йўли

Ханна Райч 1912-йил 29-мартда Силезия шаҳрида дунёга келган. Унинг отаси, доктор Вилгелм Райч, офталмология клиникасининг бошқарувчиси бўлиб, онаси эса австриялик зодагонлар оиласидан келиб чиққан эди. У ёшликдан илм-фанга қизиқиш билдирган ва учувчи бўлишни орзу қилган[2]. 1932-йилда Райч Грунаудаги Глидер мактабида ўқишни бошлаган. Кейинчалик у Герман Аир Маил ҳаваскор учувчилар мактабида ўқишни давом эттириб, Ханнаилмий ва амалий учиш соҳасида катта тажриба орттирган[3].

Карера

1933-йилда Кил университетидаги тиббиёт факултетини тамомлагандан сўнг сўнг, Райч планер учувчиси ва инструктори бўлди. У 1934-йилда Жанубий Америкага термал шароитларни ўрганиш учун экспедиция қилган. У шу экспедицияда аргентиналик Кумуш C нишонини қўлга киритган биринчи аёл сифатида тарихга киради[4]. 1937-йилда Райч Луфтwаффе синов марказига юборилади ва бу ерда у биринчи аёл вертолёт учувчиси сифатида тарихга киради. „Фоcке-Ачгелис Фа 61“ вертолётини муваффақиятли синовдан ўтказганидан сўнг, 1941-йилда Адолф Гитлер томонидан Иккинчи даражали Темир хоч унвони билан тақдирланди. Шунингдек у Мессерсчмитт Ме 163 Комет ва Фиэселер Фи 103Р Реиченберг каби янги ва мураккаб самолётларни синовдан ўтказишда иштирок этган[5]. Уруш тугаганидан кейин, Райч АҚШ ҳарбий разведкаси томонидан сўроқ қилинди ва 18 ой давомида ҳибсда сақланади. Урушдан кейин ҳам у учишни давом эттирди ва бир нечта янги баландлик рекордларини ўрнатди. Шунингдек, у Голд-C нишонининг биринчи олмосини қўлга киритган биринчи аёл бўлди[6].

Вафоти

Ханна Райч 1979-йил 24-августда 68 ёшида вафот этди. У ўз васиятига биноан Австриянинг Залсбург шаҳрида оиласи ёнига дафн қилинди.

Манбалар

  1. ↑ „Ҳанна Реицч“. Британниcа (2024-йил 11-август).
  2. ↑ „Ҳанна Реицч Биограпҳй“. Wомен ин Авиатион (2024-йил 11-август).[сайт ишламайди]
  3. ↑ „Ҳанна Реицч: Тҳе Wоман Wҳо Флеw фор тҳе Тҳирд Реич“. ҲисторйНет (2024-йил 11-август).[сайт ишламайди]
  4. ↑ „Ҳанна Реицч: Луфтwаффе'с Фемале Тест Пилот“. АВwеб (2024-йил 11-август).[сайт ишламайди]
  5. ↑ „Авиатион Ҳисторй: Ҳанна Реицч“. Авиатион Ҳисторй (2024-йил 11-август).[сайт ишламайди]
  6. ↑ „Фамоус Авиаторс: Ҳанна Реицч“. Фамоус Авиаторс (2024-йил 11-август).[сайт ишламайди] 
"https://new.ziyosfera.uz/ziyo/19914441" dan olindi