Xe Den Yer
Хе Ден Ер (1913-йил, Корея – 1983-йил 7-май, Душанбе, Тожикистон ССР) – Ўзбекистон ССР Тошкент вилояти Қуйи Чирчиқ туманидаги Димитров номидаги колхоз раиси[1]. Социалистик Меҳнат Қаҳрамони (1951).
| Хе Ден Ер | |
|---|---|
| Таваллуди |
1913-йил |
| Вафоти |
7-май 1983-йил Душанбе, Тожикистон ССР |
| Фуқаролиги |
 СССР |
| Таълими | Қишлоқ хўжалиги техникуми |
| Мукофотлари |
  |
Таржимаи ҳоли
1913-йил Кореяда деҳқон оиласида туғилган. 1920-йилларнинг бошида ота-онаси билан Россиянинг Приморск вилоятига кўчиб ўтган. 1931-йилда Узоқ Шарқ ўлкаси Спасский тумани қишлоқ аҳоли пунктларидан биридаги тўлиқсиз ўрта таълим мактабининг 6-синфини тамомлаган. 1933-йилда қишлоқ хўжалиги техникумини тугатиб, бошланғич мактабда корейс тилидан дарс берган.
1937-йилда Ўзбекистон ССР Тошкент вилоятидаги махсус аҳоли пунктига депортация қилинади[1]. Қуйи Чирчиқ туманидаги Сегизбоев номидаги корейс колхозида (кейинчалик Стаханов номидаги колхоз) (1938-йилдан), Димитров номидаги колхозда (1943-йилдан, кейинчалик Беруний колхози) оддий ишчи бўлган. 1942-йилда дала экинлари бўлими бошлиғи этиб тайинланади.
1950-йилда Хе Ден Ер раҳбарлигидаги бўлим 11,5 гектар майдоннинг ҳар гектаридан ўртача 92 сентнердан яшил каноп ҳосилини олди. СССР Олий Кенгаши Президиумининг 1951-йил 17-июлдаги фармони билан „1950-йилда МТС ишига натура шаклида ҳақ тўлагани, барча турдаги қишлоқ хўжалиги маҳсулотлари бўйича колхознинг мажбуриятлари ва шартномаларини бажарган ҳолда суғориладиган ерларда шоли, пахта ва яшил каноп пояларидан юқори ҳосил олганликлари учун ҳамда 1951-йилда баҳорги экиш учун тўлиқ талаб миқдорида барча экинларни уруғлик билан таъминлагани“ учун Ленин ордени (тартиб рақами 183895) ва Ўроқ ва Болға олтин медали (тартиб рақами 6040) ҳамда Социалистик Меҳнат Қаҳрамони унвони берилган[2].
1955-йилдан бошлаб Тошкент вилоятидаги Калинин туманида (ҳозирги Зангиота тумани) яшаган. Тумандаги Илич номидаги колхозда оддий ишчи бўлиб меҳнат қилган. 1958-йилда Тожикистоннинг Куйбишев туманига (ҳозирги Хатлон вилоятининг Абдураҳмон Жомий тумани) кўчиб ўтади ва тумандаги „Новобод“ колхозида шоличи бўлиб меҳнат қилган.
Умрининг сўнгги йилларида Душанбеда яшаган. 1983-йил май ойида шу шаҳарда вафот этган.
Олган мукофотлари
- Социалистик Меҳнат Қаҳрамони;
- Ленин ордени (17.07.1951);
Манбалар
- ↑ 1,0 1,1 „Хе Ден Ер“ (ру). wарҳероэс.ру. Қаралди: 23-ноябр 2023-йил.
- ↑ Шин Д. В.. Советские корейцы Герои Социалистического труда. Тошкент: Замин Нашр, 2019 — 544-бет.