Xvan Man Gim

Ман Гим Григоревич Хван
Таваллуди	25-декабр 1919-йил; Приморск ўлкаси, РСФСР
Вафоти	12-июл 1997-йил; (77 ёшда); Тошкент вилояти, Ўзбекистон
Фуқаролиги	СССР Ўзбекистон
Таълими	КПСС МҚ қошидаги Олий партия мактаби
Болалари	Валерий Тимофеевич Хван, Станислав Тимофеевич Хван, Евгений Тимофеевич Хван, Григорий Мангимович Хван, ; Тимур Тимофеевич Хван
Мукофотлари	; ; ;

Ман Гим Григоревич Хван, исми Ман-Гим шаклида ҳам ёзилади, норасмий исми – Тимофей Григоревич (1919-йил 25-декабр, Приморск ўлкаси, РСФСР – 1997-йил 12-июл, Ўзбекистон) – Тошкент вилояти Юқори Чирчиқ туманидаги „Политотдел“ (ўзбекча: Сиёсий бўлим) колхози раиси, ЎзССР партия арбоби,Социалистик Меҳнат Қаҳрамони (1957)^[1]. Ўзбекистон ССР Олий Совети 6 та чақириғи депутати, ЎзССР Компартияси Марказий қўмитаси аъзоси. ЎзССР Олий Совети Президиуми аъзоси (1963—1985).

Таржимаи ҳоли

1919-йил 25-декабрда Приморск ўлкасида деҳқон оиласида туғилган. Миллати корейс^[1]. 1937-йилда оиласи билан Ўзбекистон ССР Тошкент вилоятидаги махсус аҳоли пунктига депортация қилинади^[1].

Меҳнат фаолиятини Янгийўл пахта заводида бошлаган. 1939-йилдан турли иқтисодий лавозимларда ишлаган. 1947-йилда Тошкент вилоятининг Юқори Чирчиқ туманидаги „Ленинский пут“ (ўзбекча: Ленин йўли) колхозига раис этиб сайланди. 1951—1953-йилларда ВКП (б) Юқори Чирчиқ туман қўмитаси қишлоқ хўжалиги бўлими мудири бўлган. Бир муддат „Тошкент темир йўллари“ бошқарувида ишлаган.

1953-йилда „Политотдел“ колхозининг раиси этиб сайланади. 1985-йилгача ушбу лавозимда фаолият олиб борган. „Политотдел“ колхозини Тошкент вилоятидаги илғор қишлоқ хўжалиги корхоналари сафига олиб чиқади ва ушбу хизматлари учун 1957-йилда Социалистик Меҳнат Қаҳрамони унвони билан тақдирланади.

1960-йилда КПСС МҚ қошидаги Олий партия мактабини тамомлаган. 1980-йиллар бошида Социалистик Меҳнат Қаҳрамони Кан О Нам билан биргаликда Шимолий Кореяга ташриф буюради ва мамлакат етакчиси Ким Ил-сунг билан учрашади^[2].

КПСС ХХИИ, ХХИИИ, ХХИВ, ХХВ, ХХВИ сездларида делегат, СССР Колхозлар кенгаши раисининг биринчи ўринбосари, СССР футбол федерацияси Президиуми аъзоси этиб сайланган.

1985-йилда у „пахта иши“ бўйича ҳибсга олинган ва қамоққа ҳукм қилинган. Оқланганидан кейин 1989-йилда озодликка чиқди.

1997-йил 12-июлда вафот этади ва собиқ „Политотдел“ (ҳозирги „Дўстлик“ фермер хўжалиги) колхози қабристонига дафн этилган.

Асарлари

«Трудом, и только трудом» (ўзбекча: Меҳнат билан, фақат меҳнат билан), 1962-йил;
«Щедрая земля» (ўзбекча: Саховатли ер), 1981-йил.

Олган мукофотлари

Социалистик Меҳнат Қаҳрамони – СССР Олий Совети Президиумининг 1957-йил 11-январдаги фармони билан;
Ленин ордени (тартиб рақами 313979);
Октябр Инқилоби ордени;
СССР Давлат мукофоти;
ЎзССРда хизмат кўрсатган пахтакор.

Адабиётлар

Тен М. Д. Биографический метод в устной истории. Воспоминания о Хван Ман Гиме // Сборник статей „Устная история в Узбекистане: теория и практика“. Вип. И., Ташкент, 2011. С. 245—256

Манбалар

↑ ^1,0 ^1,1 ^1,2 „Хван Ман Гым Григорьевич“ (ру). wарҳероэс.ру. Қаралди: 24-ноябр 2023-йил.
↑ Герман Ким, Герой Социалистического Труда — Кан О Нам

Ҳаволалар

Биография (Wайбаcк Мачине сайтида 2023-11-24 санасида архивланган)
Биографическиэ сведения
Биография
Документалний филм „Осенний репортаж“, 1967

[warheroes.ru-1] 1,0 ^1,1 ^1,2 „Хван Ман Гым Григорьевич“ (ру). wарҳероэс.ру. Қаралди: 24-ноябр 2023-йил.

[2] Герман Ким, Герой Социалистического Труда — Кан О Нам

[1]

[2]

Ман Гим Григоревич Хван
Таваллуди	25-декабр 1919-йил Приморск ўлкаси, РСФСР
Вафоти	12-июл 1997-йил(1997-07-12) (77 ёшда) Тошкент вилояти, Ўзбекистон
Фуқаролиги	СССР Ўзбекистон
Таълими	КПСС МҚ қошидаги Олий партия мактаби
Болалари	Валерий Тимофеевич Хван, Станислав Тимофеевич Хван, Евгений Тимофеевич Хван, Григорий Мангимович Хван, Тимур Тимофеевич Хван
Мукофотлари