Yesu munke

Есу мунке (7-1251) - Чиғатой улуси хони (1246—51). Чиғатойнинг ўғли, Чингизхоннинг набираси. Улуғ қоон Гуюкхон (1246—48) фармонига кўра Қора Ҳулагунинг ўрнига улус тахтига унинг яқин дўсти Е. М. ўтирган. Рашидуддиннинг ёзишича, Е. М. ичкиликка шу қадар майл қўйганки, нафақат давлат ишлари билан, балки ўзининг ўрдаси ишлари билан ҳам шуғуллана олмай қолган. Барча ишларни хотини Тукаши бошқарган. Е. М. Мўғуллар давлатита Мункенинг улуг қоон бўлишига қарши чиққан. Е. М. 1251 й.ги қурултойга келганида Мунке тарафдорлари томонидан қўлга олиниб, Ботухон ўрдасига юборилган. Боту Е. М.ни юртига қайтариб юборган, Қора Ҳулагунинг беваси Орқина хотун эса уни қатл этган.