Ziyosfera

Yuriy Dashevskiy

Юрий Владимирович Дашевский (1921-йил 18-сентябр — 1987-йил 28-август, Москва, СССР) — совет иқтисодчиси, давлат ва сиёсат арбоби. КПСС (Совет Иттифоқи Коммунистик партияси) аъзоси ҳисобланган.

Юрий Владимирович Дашевский
Калуга вилояти ижроия қўмитаси раиси-
Мансаб даври
1961-йил август – 1964-йил декабр
Аввалгиси Егоров Алексей Андреевич
Кейингиси Демидова Александра Ивановна
Шахсий маълумотлари
Таваллуди 1921-йил 18-сентабр
Кобеляки
Вафоти 1987-йил 28-август (65 ёш)
Москва
Сиёсий партияси КПСС
Мукофотлари

Биографияси

Юрий Владимирович Дашевский 1921-йил 18-сентабрда Украина ССРнинг Полтава вилояти  Кобеляки шаҳрида туғилган.

Дашевский 1928-йилда илк бор мактабга борган, аммо 1-синф дастурини бутунлай ўзлаштириб бўлганлиги сабабли мактаб маъмурияти уни 2-синфга қабул қилган. Юрий Владимирович 1937-йилда Днепропетровск темир йўл муҳандислари институтига ўқишга кирган. Улуғ Ватан уруши бошланиши билан у Ўзбекистон ССРнинг Тошкент шаҳрига эвакуация қилинган. 1942-йилда эса Тошкент темир йўл муҳандислари институтини тамомлаган.

  • 1942—1945-йилларда дастлаб Термиз шаҳрида, кейинчалик Душанбе шаҳрида машинист бўлиб ишлаган. У ерда фронтга юк етказиб бериш билан шуғулланган. У ҳамроҳлик қилаётган юк поезди таркиби бир неча бор немис самолётлари томонидан бомбардимон қилинган;
  • 1946—1948-йиллар Москва шаҳрида темир йўл транспорти раҳбарларининг малакасини ошириш институте ходими;
  • 1948—1953-йилларда  Ашхобод темир йўли бошлиғи ўринбосари;
  • 1953—1954-йилларда Фаянс, Киров, Калуга вилоятлари темир йўл бўлими бошлиғи;
  • 1954—1958-йилларда Калуга ва Киров вилояти Фоминичская машина-трактор стансияси директори;
  • 1958—1960-йилларда Москвадаги КПСС Марказий Қўмитаси ҳузуридаги Олий партия мактабида ўқиган. Шунингдек,
  • 1960—1961-йилларда — КПСС Калуга вилоят қўмитаси котиби;
  • 1961—1962-йилларда — Калуга вилоят кенгаши ижроия қўмитаси раиси;
  • 1962—1964-йилларда — Калуга вилоят саноат кенгаши ижроия қўмитаси раиси;
  • 1964—1971-йилларда — СССР Ташқи савдо вазирлигида раҳбарлик лавозимларида;
  • 1971—1974-йилларда — СССРнинг Жанубий Кореядаги савдо вакили;[1]
  • 1974—1980-йилларда — СССР Ташқи савдо вазирлиги давлат инспексияси бошлиғи лавозимларида ишлаган.
  • 1980—1986-йилларда  СССРнинг Австралиядаги савдо вакили;
  • 1963—1967-йилларда РСФСР Олий Кенгашининг 6-чақириқ депутати бўлган;[2]
  • Юрий Владимирович Дашевский 1987-йил 28-августда вафот этган. У Москвадаги Кунцево қабристонига дафн этилган.

Оиласи

Отаси — (? −1930-йил) зодагонлар оиласидан бўлган. Онаси — (1890—1945-йилларда яшаб ўтган) деҳқон аёл бўлган. Акаси — Александр (1906-?-йилларда) маълумоти бўйича қурувчи. Украина ССРнинг Хмелницкий вилоятида қурилиш трести бошлиғи бўлиб ишлаган. 1937-йилда у денонсация билан ҳибсга олинган. 10 йиллик қамоқ жазосига ҳукм қилинган ва ушбу муддатни Соликамскда ўтаган.
Акаси — Константин (1915—1979-йилларда яшаб ўтган) маълумоти бўйича ўқитувчи. Украина ССРнинг Донецк вилояти Горловка шаҳридаги мактабда ўқитувчи, кейинчалик директор лавозимида ишлаган.
Турмуш ўртоғи — Екатерина Ивановна Николенко (1916—2011-йилларда яшаб ўтган), Ўзбекистон ССРнинг Сурхондарё вилояти Термиз шаҳрида туғилган. Тошкент ахборот технологиялари институтини тамомлаган. У ўз карерасини темир йўлда ишлашга бағишлаган.
Қизи — Нина (1943-йилда туғилган) Ўзбекистон ССРнинг Сурхондарё вилояти Термиз шаҳрида туғилган. 1966-йилда Москва ахборот технологиялари институтини тамомлаган. Ўз фаолияти давомида темир йўл соҳасида муҳандис, катта муҳандис лавозимларида ишлаган.
Қизи — Татяна (1945—2016-йилларда яшаб ўтган), Ўзбекистон ССРнинг Қашқадарё вилояти Қарши шаҳрида туғилган. 1970-йилда 1-Москва тиббиёт институтини тамомлаган. 1970—2000-йилларда — оториноларинголог, Ҳарбий кимёвий ҳимоя академияси поликлиникасининг ренген бўлими мудири бўлган.
Ўғли — Владимир (1953—2014-йилларда яшаб ўтган) Санъацҳунос. Фаянс, Киров, Калуга вилояти 1975-йилда Ленинград ахборот технологиялари институтини, 1981-йилда СССР Бутуниттифоқ ташқи савдо академиясини тамомлаган. 1975—1978-йилларда — Москва депосида уста, 1981-йилдан СССР Ташқи ишлар вазирлигида ишлаган.

Мукофотлари

  • Халқлар дўстлиги ордени
  • "Шон-шараф белгиси" ордени
  • "Меҳнат жасорати учун" медали
  • „В.И.Ленин таваллудининг 100 йиллигини нишонлашдаги жасоратли меҳнати учун“ юбилей медали;
  • „1941—1945-йиллардаги Улуғ Ватан урушидаги жасоратли меҳнати учун“ медали;
  • „Меҳнат фахрийси“ медали;
  • „1941—1945-йиллардаги Улуғ Ватан урушидаги ғалабанинг йигирма йиллиги“ юбилей медали;
  • „1941-1945 йиллардаги Улуғ Ватан урушидаги ғалабанинг ўттиз йиллиги“ юбилей медали;
  • „СССР Ташқи савдо вазирлигининг нишони“ Фахрий нишони.
  • „СССР Машинасозлик вазирлигининг сифат бўйича аълочиси“.
  • „СССР Ташқи савдо вазирлиги давлат инспексияси аълочи“ талабаси.

Манбалар

  1. ↑ Малькевич В. Л., Митрофанов И. Л., Иванов А. С.. [1]. ИСБН 978-5-902484-28-8.  (Wайбаcк Мачине сайтида 2018-02-17 санасида архивланган)
  2. ↑ „Список депутатов, избранных в Верховный Совет РСФСР. 1963“. «Открытый текст» (21-июн 2009-йил). 2018-йил 17-февралда асл нусхадан архивланган. Қаралди: 17-феврал 2018-йил.

Ҳаволалар

"https://new.ziyosfera.uz/ziyo/19914441" dan olindi