Yuriy Golub
Юрий Голуб (беларусча: Юрый Аляксандравіч Голуб; 1996-йил 16-апрелда Беларус Республикасининг Могилёв вилоятида туғилган) — беларуслик кўзи ожиз чанғичи ва биатлончи. Тўрт карра Пхёнчхан — 2018 олимпиадаси совриндори, икки карра чемпион (2022) ва жаҳон чемпионатининг бронза медали соҳиби (2017). Беларус Республикасида хизмат кўрсатган спорт устаси.
| Юрий Голуб | |
|---|---|
| Шахсий маълумотлари | |
| Жинси | Эркак |
| Фуқаролиги |
 Беларус |
| Таваллуд санаси |
1996-йил 16-апрел Могилёв вилояти, Беларус Республикаси |
| Спорт | |
| Қайси спорт | Биатлон |
Таржимаи ҳоли
Юрий Голуб 1996-йил 16-апрелда Глускда туғилган[1].
Глуск шаҳридаги 2-сонли ўрта мактабда ўқиган, кейин Беларус давлат педагогика университетига ўқишга кирган. 2018-йилги паралимпия ўйинларида иштирок этаётган пайтида Голуб БДПУ магистратура талабаси эди.
Спорт билан бир қаторда мусиқага ҳам қизиқади[2].
Фаолияти
Отаси сабабли олти ёшида чанғи учишни бошлаган[2]. Ўзининг айтишига қараганда, у иккинчи курсда ўқиб юрганида тасодифан мураббий билан учрашиб қолган ва шу тарзда спортга кириб келган.
2016-йилда Вуокаттида бўлиб ўтган чамғи спорти бўйича жаҳон чемпионатидаги иштирок билан Беларус терма жамоаси сафида дебют қилган[3]. Ўша йили Беларус чемпионатида ғолиб бўлган.
2017-йилда биринчи марта ногиронлиги бўлган шахслар ўртасида чанғи спорти бўйича жаҳон чемпионатида иштирок этди. Финстерауда бўлиб ўтган чемпионатда 10 км масофага эркин усулда югуриш бўйича бронза медалини қўлга киритди. Шунингдек, 20 км масофага классик услубда югуришда тўртинчи, эстафетада бешинчи, спринтда еттинчи ва 7,5 кмга биатлон пойгасида саккизинчи ўринни эгаллади[1].
2018-йил март ойида Пхёнчхандаги паралимпия ўйинларида ўз иштирокини бошлаган. Юрий Голуб кўзи ожиз биатлончилар ва трамплиндан сакровчилар ўртасидаги мусобақаларда қатнашган. Биатлонда иккита медални қўлга киритган: 12,5 км пойгада олтин ва 7,5 км пойгада кумуш[1]. Ғолибликни қўлга киритган мусобақасида 39 маррага етиб келиш учун 39 дақиқа сарфлаган. Мазкур кўрсаткич 2-ўриндаги спортчиникидан 2,7 сонияга яхшироқ бўлган[4]. Қишки олимпия ўйинларида ғолиб бўлган куни спортчини Беларус Республикаси Президенти Александр Лукашенко шахсан табриклаган[5].
20 км масофага чанғи пойгасида Голуб иккинчи ўринни эгаллаган. 10 км масофада ўтказилган баҳсларда эса бронза медални қўлга киритган. Шунингдек, у биатлон бўйича жамоавий эстафетада тўртинчи ўринни ва классик спринтда тўққизинчи ўринни эгаллаган[3]. Пхёнчхандаги паралимпия ўйинлари натижаларига кўра, Юрий Голуб Могилев вилоятида йилнинг энг яхши спортчиларидан бири деб топилган[2].
2020-йилда Голуб кўзи ожиз спортчилар ўртасида биатлон бўйича „Блур глобус“ совринини қўлга киритган[6].
2022-йилнинг январ ойида Лиллехамерда бўлиб ўтган чанғи пойгаси бўйича паралимпиячилар ўртасидаги жаҳон чемпионатида Юрий Голуб гид Владимир Чепелин билан биргаликда 6 км ва 12,5 км масофаларда ўтказилган пойгада иккита олтин медални қўлга киритган[7].
Манбалар
- ↑ 1,0 1,1 1,2 „Cросс-Cоунтрй Скиинг | Атҳлете Профиле: Юрй ҲОЛУБ — Пеонгчанг 2018 Паралймпиc Wинтер Гамес“ (эн). www.пеонгчанг2018.cом. 2018-йил 23-мартда асл нусхадан архивланган. Қаралди: 2018-йил 23-апрел.
- ↑ 2,0 2,1 2,2 „Юрй Ҳолуб - Нордиc Скиинг | Паралймпиc Атҳлете Профиле“ (эн). Интернатионал Паралймпиc Cоммиттеэ. 2021-йил 3-ноябрда асл нусхадан архивланган. Қаралди: 2022-йил 31-май.
- ↑ 3,0 3,1 „Профиль спортсмена“. 2018-йил 13-мартда асл нусхадан архивланган. Қаралди: 2018-йил 23-апрел.
- ↑ „Юрий Голуб принес Беларуси второе золото на Паралимпиаде в Пхенчхане“. 2018-йил 13-мартда асл нусхадан архивланган. Қаралди: 2018-йил 23-апрел.
- ↑ „Лукашенко поздравил Юрия Голуба с завоеванием золота на Паралимпиаде в Пхенчхане“. 2018-йил 16-мартда асл нусхадан архивланган. Қаралди: 2018-йил 23-апрел.
- ↑ „Мусиcал инспиратион кеэпс Юрй Ҳолуб он таргет“ (эн). Интернатионал Паралймпиc Cоммиттеэ (2020-йил 24-апрел). 2021-йил 5-ноябрда асл нусхадан архивланган. Қаралди: 2022-йил 31-май.
- ↑ „Белорус Юрий Голуб завоевал второе золото паралимпийского ЧМ по лыжным видам спорта“ (ру). Белта (2022-йил 16-январ). 2022-йил 25-январда асл нусхадан архивланган. Қаралди: 2022-йил 31-май.