Yuriy Koloskov
Юрий Вениаминович Колосков (1929-йил, Тошкент, ЎзССР, СССР – 2016-йил Москва, Россия) – Совет ҳарбий қўмондони, генерал-маёр. К. Й. Ворошилов номидаги СССР КГБнинг Олий чегара ҳарбий-сиёсий мактаби бошлиғи (1982–1990).
| Юрий Колосков | |
|---|---|
| Таваллуди |
20-феврал 1929-йил Тошкент, ЎзССР, СССР |
| Вафоти |
8-декабр 2016-йил Москва, Россия |
| Фуқаролиги |
 СССР |
| Хизматдаги йиллари | 1946–1990 |
Биографияси
Юрий Вениаминович 1929-йил 2-февралда Ўзбекистон ССРнинг Тошкент шаҳрида таваллуд топган.
1939–1946-йилларда Тошкент СССР НКВДнинг Суворов номли ҳарбий билим юртида таҳсил олган. 1946–1948-йилларда СССР НКВД қўшинларининг Москва ҳарбий билим юртида ўқиган. 1951-йилда Саратов давлат университетининг филология факултетининг сиртқи бўлимини тамомлаган[1].
Колосков 1948-йилдан 1982-йилгача СССР НКВД, СССР Ички ишлар вазирлиги, СССР МГБ, СССР Давлат хавфсизлиги қўмитасида қўмондонлик ва сиёсий лавозимларда хизмат қилган. 1965-йилдан 1982-йилгача Шарқий чегара округида қуйидаги лавозимларда хизмат қилган: 1965-йилдан 1972-йилгача сиёсий бўлим бошлиғи ва 129-Пржевалский чегара отряди бошлиғининг ўринбосари. 1972-йилдан 1978-йилгача бошлиқ ўринбосари, 1978-йилдан 1982-йилгача сиёсий бўлим бошлиғи ва Шарқий чегара округи қўшинлари бошлиғи (қўмондони) ўринбосари лавозимларида фаолият олиб борган. Афғонистон урушида қатнашган[1].
Юрий Вениаминович 1982-йилдан 1990-йилгача СССР КГБ К. Й. Ворошилов номидаги Олий чегара ҳарбий-сиёсий мактабининг бошлиғи бўлган (Голицйно, Москва вилояти)[2][3][1].
Колосков 1990-йилда истеъфога чиққанидан сўнг, Днестроведа ПМР МГБ маслаҳатчиси бўлиб ишлаган ва ушбу республиканинг махсус кучлари ва чегара отрядларининг ташкилотчиси бўлган. 1992-йилдан бери Днестрбўйıдаги қуролли можаронинг иштирокчиси. 1993-йилдан Б. В. Тарасов халқ депутати маслаҳатчиси, Россия Федерацияси Олий Кенгашининг ҳимояси иштирокчиларидан бири эди[4][1].
Колосков 2016-йил 8-декабрда Москвада вафот этди ва Троекуровское қабристонига дафн қилинди.
Хотираси
2018-йил 25-май куни Днестрбўйидаги Тираспол чегара постига генерал-маёр Юрий Вениаминович Колосков номи берилди[5].
Манбалар
- ↑ 1,0 1,1 1,2 1,3 „Краснорецкий, Николай Павлович“. История отечественных спецслужб и правоохранительных органов. 2021-йил 17-майда асл нусхадан архивланган. Қаралди: 2022-йил 2-феврал.
- ↑ Квашенко В. В. Голицинскоэ пограничноэ. // Военно-исторический журнал. – 2016. – № 12. – С.72—73
- ↑ „История Института“. Голицынский пограничный институт ФСБ России. 2022-йил 8-январда асл нусхадан архивланган. Қаралди: 2022-йил 2-феврал.
- ↑ „Прощай, наш боевой соратник!“. Завтра. 2022-йил 9-мартда асл нусхадан архивланган. Қаралди: 2022-йил 2-феврал.
- ↑ „Погранотделению «Тирасполь» присвоено имя генерала Юрия Колоскова“. Новости Приднестровья. Қаралди: 2022-йил 2-феврал.[сайт ишламайди]