Yuriy Linnik

Юрий Владимирович Линник [(1914.26.12 (1915.8.1), Белая Серков — 1972.30.6, Ленинград] — рус математиги, академик (1964), Ленинград университетини тугатган (1938), шу университетда профессор (1944). Асосий ишлари эҳтимоллар назарияси устунларининг сонлар назариясига татбиқи, аналитик сонлар назарияси ва математик статистикага оид. У сонларни квадратик формалар орқали ифодалаган, Береж — Фишер му-аммоси ва бошқа қийин масалаларни тек-ширган. Унинг катта турлар усули туб сонларнинг арифметик прогрессиялардаги тақсимоти ва сонлар назариясининг бошқа аддитив масалаларини ечишга имкон берди. Л. ўзи яратган дисперсион усул билан Ҳарди — Литлвуд муаммосини ҳал қилиб, етарлича катта бутун сон туб сон билан икки аниқ квадрат йиғиндиси шаклида ифодаланишини кўрсатди.