Yuriy Majorov

Юрий Мажоров
Таваллуди	20-август 1921-йил; Тошкент, Туркистон АССР
Вафоти	14-феврал 2019-йил
Фуқаролиги	СССР Россия
Қўшин турлари	Россия Федерацияси Қуролли кучлари
Хизматдаги йиллари	1940–1985

Юрий Николаевич Мажоров (20-август 1921-йил – 14-феврал 2019-йил) совет ва россиялик олим, техника фанлари номзоди, генерал-маёр (1970), НПО „Палма“ бош директори, Ленин (1976) ва СССР Давлат мукофотлари лауреати (1967, 1982).

Таржимаи ҳоли

Юрий Николаевич Мажоров 1921-йилда биринчи жаҳон ва фуқаролар уруши қатнашчиси Николай Мажоров ва саёҳат йўл бошловчисининг қизи Мария Егорова оиласига таваллуд топган.

Мажоров 1940-йил октябр ойида Қизил Армия сафига чақирилди. У 490-бўлим радио бўлинмасида хизмат қилган. 1-даражали разведкачи радио оператори малакасига сазовор бўлган.

1941-йил октябрдан Улуғ Ватан уруши фронтида ва Москва жангида қатнашган. Юрий радио разведка ишлари билан шуғулланган ва душман радио хабарларини тутган. 1942-йил бошида алоқа пункти бошлиғи этиб тайинланди. Кичик лейтенант Мажоров 1942-йил августда 1-бўлим радиополкининг (Ғарбий фронт) 3-бўлинмаси алоқа марказининг бошлиғи этиб тайинланган^[1].

Кейинчалик Украина, Полша озод этилишида, Корсун-Шевченков операциясида иштирок этган. 1945-йил 10-майда Прагадаги урушни тугатган.

Юрий Мажоров 1948-йилда С. М. Буденний номидаги ҳарбий алоқа академиясининг радиолокация факултетига ўқишга кирган ва уни 1953-йилда тугатган. Академияни тугатгандан сўнг мудофаа вазирлигининг илмий-тадқиқот институтларидан бирида ишлаган.

1976-йилда „Cелина“ радиотехника разведка тизимини яратишда иштирок этганлиги учун Ленин орденига сазовор бўлган.

Юрий Николаевич 1961-йилдан бошлаб Марказий радиотехника илмий-тадқиқот институтида ишлаган, 1968-йилда эса уни бошқарган. 1970-йилда унга генерал-маёр унвони берилди. 1979-йилда „Палма“ ННТга бошчилик қилган^[2]. Генерал-маёр 1985-йилда истеъфога чиққан.

Юрий Мажоров ҳаёти давомида 24 та муаллифлик гувоҳномасини олган. У бир неча бор Германия ва Шимолий Корея, Куба ва Ветнам, Афғонистон ва Сурия каби давлатларга саёҳат қилган. „Погоня за „ястребиним глазом“. Судба генерала Мажорова“ китоби муаллифидир.

Юрий 2019-йил 14-февралда 98 ёшида вафот этган^[3].

Оиласи

Юрий Мажорова Татяна Константиновна (1921–1989) билан оила қурган. Рафиқаси буюк Ватан уруши қатнашчиси, радио-разведкачи ва педагог бўлиб ишлаган. Уларнинг икки нафар фарзанди бор. Ўғли Валерий Юревич (1950), муҳандис-радиист ва захира подполковниги ва қизи Лариса Юревна (1954), муҳандис-иқтисодиётчи бўлган. Юрийнинг уч нафар набираси бор.

Манбалар

↑ „МАЖОРОВ Юрий Николаевич (1921-2019)“. 2023-йил 13-ноябрда асл нусхадан архивланган. Қаралди: 2023-йил 13-ноябр.
↑ „Рождение одного изобретения“. www.cомпутер-мусеум.ру. Қаралди: 2023-йил 13-ноябр.
↑ „Юрий Николаевич Мажоров“. Қаралди: 2023-йил 13-ноябр.

[1] „МАЖОРОВ Юрий Николаевич (1921-2019)“. 2023-йил 13-ноябрда асл нусхадан архивланган. Қаралди: 2023-йил 13-ноябр.

[2] „Рождение одного изобретения“. www.cомпутер-мусеум.ру. Қаралди: 2023-йил 13-ноябр.

[3] „Юрий Николаевич Мажоров“. Қаралди: 2023-йил 13-ноябр.

[1]

[2]

[3]