Yuriy Pshenichnikov

Шавкат Раимқулов
Шахсий маълумот
Таваллуд санаси	2-июн 1940-йил
Таваллуд жойи	Тошкент, Ўзбекистон ССР
Вафот санаси	20-декабр 2019-йил; (79 ёшда)
Вафот жойи	Москва, Россия
Бўйи	184 м (603 фт 8 ин)
Амплуаси	Дарвозабон
Мукофотлари
Профессионал фаолияти*
Йиллар	Жамоа
1958—1959	Мехнат Заҳиралари
1960—1967	Пахтакор
1967—1971	CСКА
1972	Пахтакор
Миллий терма жамоа
1966—1970	СССР
Бошқарган клублари
1978	CСКА
1979—1983	Cонтҳуб Лаос
1984—1988	CСКА
1989	CОСФАП Мадагаскар
1990	CСКА
1990	СКА
1991—1992	Пресня (Россия)
1993	Асмарал (Россия)
1994—1995	Рател-Ҳаима (БАА)
1995—1999	СДУССҲОР CСКА (Россия)
1999—2000	CСКА
2002—2003	Торпедо-Металлург (Россия)
2005—2007	Динамо (Москва) (Россия)
	*Профессионал клублардаги голлари (ички чемпионат)

Юрий Павлович Пшеничников (1940-йил 2-июн – 2019-йил 20-декабр) – Тошкентда туғилган совет иттифоқилик профессионал собиқ футболчи ва футбол мураббий. Фаолияти давомида дарвозабон позициясида ўйнаган

Футболчилик фаолияти

Юрийнинг отаси Улуг Ватан уруши пайтида бедарак йўқолган ва онаси унга фамилиясини берган^[1].

Юрийнинг биринчи спорт устози Л. Янсон уни дарвозабон позициясида синаб кўрган. 1956-йилдан Тошкентнинг „Меҳнат захиралари“ (русча: Трудовых резервов) ёшлар жамоасида футбол ўйнай бошлаган. 1958-йилдан „Меҳнат заҳиралари“ нинг асосий жамоасида ўйнаган. 1960-йилда „Пахтакор“ клубига ўтган ва жамоа сафида дебют қилган. 1968-йилги мавсумда „Пахтакор“ клубидан Москванинг ССКА жамоасига ўтган. Йил якунида у мамлакатнинг энг яхши дарвозабони деб топилган.

1969-йилда у ўнг қўлини жароҳат олган ва шифокорлар унга платина пластинка қўйишган. Натижада Пшеничников 1970-йилда Мексикада бўлиб ўтган жаҳон чемпионатида иштирок эта олмаган. Жароҳатини даволаб қайтганида, янги мураббий Валентин Николаэв уни ўринбосарлар таркибига жўнатиб юборган. Пшеничников жамоа таркибини тарк этиш ҳақида ариза ёзди ва икки ой давомида жамоа машғулотларида иштирок этмаган. Шу билан бирга, у ҳар куни Соколникида мустақил равишда машғулот олиб борган.

1972-йилги мавсумда „Пахтакор“ жамоасига қайтиб келган ва ўйновчи-мураббийга айланган. Пшеничников мавсум якунида жароҳат туфайли фаолиятини якунлаган. Юрий Совет Олий лигасида у 243 та ўйин ўтказган.

Халқаро ўйинлар

У СССР терма жамоасида 19 марта ўйин ўтказган ва УЭФА Евро-1968 турнирида иштирок этган^[2]. У миллий терма жамоадаги дебютини 1966-йил 18-сентябрда Белградда СФРЙга қарши ўйинда (2:1) ўтказган. У миллий терма жамоадаги фаолиятини 1970-йил 28-октябрда СФРЙга қарши ўйинда (4:0) якунлаган.

Мураббийлик фаолияти

1978-йилда CСКАда мураббий бўлиб ишлаган. СССР Мудофаа вазирлиги орқали у хорижий мамлакатлардаги армия жамоалари билан ишлаш учун юборилган. 1979—1983-йилларда у Лаос Контҳаб, 1989-йилда CОСФАП клуби (Антананариво , Мадагаскар) жамоаларида бош мураббий бўлган.

1984—1988-йилларда CСКА спорт мактаби директори лавозимида ишлаган. 1990-йилда, июлгача у CСКА-2 жамоасида мураббий бўлиб ишлаган ва сентябрдан СКА (Ростов-Дон) клубини бошқарган.

1991-йилда у „Асмарал“ ФК жамоасида мураббий бўлиб ишлаган. 1994—1995-йилларда (октябргача) яна хорижда, Бирлашган Араб Амирликларининг Рател-Хайма клубида бош мураббий сифатида ишлаган.

1995-йилнинг декабридан – СДУСҲОР CСКА (Москва)да мураббий, 1999-йилгача ёш футболчилар билан ишлаган. 1999—2000-йилларда CСКА жамоасида дарвозабонлар мураббий лавозимида ишлаган. 2002—2003-йилларда „Торпедо-ЗИЛ“ спорт мактабида (Москва) мураббий бўлган.

2002-йилда у Пшеничников футбол дарвозабонлари клубини очди, у ерда Пшеничниковнинг ўзи 10 ва ундан катта ёшдаги болалар билан ишлаган. 2005-йил мартдан 2008-йил сентябргача „Динамо“ спорт мактаби (Москва) дарвозабонлар гуруҳи мураббийи. 2019-йил 20-декабрда вафот этган.

Ютуқлари

Футболчи сифатида

Совет Олий лигаси ғолиби: 1970
Йилнинг энг яхши дарвозабони: 1968
Лева Яшин клуби аъзоси (110 та ўйинда гол ўтказиб юбормаган)
„Пахтакор“ таркибида 1972-йилда СССР биринчи лигаси ғолиби

Мураббий сифатида

Лао лигаси ғолиби: 1981, 1982 (мураббий сифатида).
Лаос кубоги ғолиби: 1980 (мураббий сифатида).
„Шуҳрат“ медали билан тақдирланган (2006)^[3]

Манбалар

↑ „«В игре с „Зенитом“ пропустил три автогола». Как пережить землетрясение и стать тренером в Лаосе“. 2016-йил 4-ноябрда асл нусхадан архивланган. Қаралди: 2015-йил 5-июн.
↑ „Умер бывший вратарь сборной СССР Юрий Пшеничников“ (ру). Коммерсант (2019-йил 21-декабр). Қаралди: 2020-йил 19-феврал.
↑ „Ўзбекистон Республикаси Президентининг Фармони“. 2022-йил 11-мартда асл нусхадан архивланган. Қаралди: 2022-йил 18-сентябр.

Ҳаволалар

Профил (рус тилида) (Wайбаcк Мачине сайтида 2020-06-30 санасида архивланган)
Юрий Пшеничников Фоотбаллфаcцру сайтида

[1] „«В игре с „Зенитом“ пропустил три автогола». Как пережить землетрясение и стать тренером в Лаосе“. 2016-йил 4-ноябрда асл нусхадан архивланган. Қаралди: 2015-йил 5-июн.

[2] „Умер бывший вратарь сборной СССР Юрий Пшеничников“ (ру). Коммерсант (2019-йил 21-декабр). Қаралди: 2020-йил 19-феврал.

[3] „Ўзбекистон Республикаси Президентининг Фармони“. 2022-йил 11-мартда асл нусхадан архивланган. Қаралди: 2022-йил 18-сентябр.

[1]

[2]

[3]