Yuriy Shenger
Yuriy Evgenievich (Evgenovich) Shenger (1904 - 1974) - sovet iqtisodchisi, iqtisod fanlari doktori (1961), professor (1961).
| Yuriy Evgenyevich Shenger | |
|---|---|
| Tavalludi |
1904-yil 24-may Rus imperiyasi |
| Vafoti |
1974-yil 19-dekabr (70 yosh) Toshkent |
| Ish joylari | Leningrad, Moskva va Toshkent universitetlari |
| Taʼlimi | Leningrad davlat universiteti |
| Ilmiy darajasi | Iqtisodiyot fanlari doktori |
| Ilmiy unvoni | Professor |
| Mukofotlari |
 |
Tarjimai holi
1904-yil 24-mayda tugʻilgan.
1924-yilda Leningrad davlat universitetining iqtisod fakultetini tamomlagan.
1924—1936-yillarda SSSR Davlat bankining Leningrad idorasida ishlagan; bir vaqtning oʻzida F.Engels nomidagi Leningrad xalq xoʻjaligi institutida (1926-yildan) bank ishi, pul va kredit nazariyasi fanidan, keyin - Leningrad moliya-iqtisod institutida (1930-yildan) dars bergan.
1936—1940-yillarda SSSR Davlat banki boshqaruvi kotibiyatida katta maslahatchi, SSSR Davlat bankining rejalashtirish-iqtisodiy boʻlimi mutaxassisi boʻlgan. Shu bilan birga, 1938—1939-yillarda Moskva kredit-iqtisodiyot institutining pul muomalasi va kredit kafedrasi mudiri boʻlgan[1].
Ulugʻ Vatan urushi paytida evakuatsiya qilingan. 1941—1945-yillarda SSSR Davlat banki boshqird idorasining qishloq xoʻjaligini kreditlash sektori boshligʻi, Olmaota kredit-iqtisodiyot institutida oʻqituvchi boʻlgan. 1946-yildan Toshkent xalq xoʻjaligi institutida (hozirgi Toshkent davlat iqtisodiyot universiteti) kafedra mudiri boʻlib ishlagan. 1955—1974-yillarda Toshkent xalq xoʻjaligi instituti ilmiy ishlar boʻyicha prorektori boʻlib ishlagan[2].
Oʻzbekiston SSRda xizmat koʻrsatgan fan arbobi. “Shon-sharaf belgisi” ordeni va medallari bilan taqdirlangan.
1974-yil 19-dekabrda Toshkentda vafot etgan, shahardagi Botkin qabristoniga dafn etilgan.
Xotira
- Boshqirdiston Respublikasi Milliy banki tarixi muzeyida Ufada Ulugʻ Vatan urushi yillarida ishlagan olimlar — Yuriy Yevgenyevich Shenger va Natalya Nikolayevna Shabanovaga bagʻishlangan maxsus ekspozitsiya tashkil etilgan[3].
Ilmiy ishlar
- Moliyaviy rejalashtirish. Moskva: „Gosfinizdat“, 1940;
- Kreditni rejalashtirish. Moskva; Leningrad: „Gosplanizdat“, 1940;
- Sovet krediti boʻyicha ocherklar, Moskva: „Gosfinizdat“, 1961;
- Kredit va korxona, Moskva: Moliya, 1973;
- Sotsialistik jamiyatda pul muomalasi va kredit muammolari /Toshkent xalq xoʻjaligi instituti. Toshkent: FAN, 1983.
Manbalar
- ↑ Finansovaya akademiya pri Pravitelьstve Rossiyskoy Federatsii: istoriya i sovremennostь. Koll. avt. / pod obщ. red. rektora Finansovoy akademii M. A. Eskindarova. — M.: Finansы i statistika, 2009. — 448 s.: il. ISBN 978-5-279-03406-2.
- ↑ „Shenger Yuriy Evgenьevich“. 2018-yil 20-aprelda asl nusxadan arxivlangan. Qaraldi: 2018-yil 19-aprel.
- ↑ „Natsionalьnaya ideya i nemtsы v Uzbekistane“. 2011-yil 17-dekabrda asl nusxadan arxivlangan. Qaraldi: 2018-yil 19-aprel.
Havolalar
- Rossiya Federatsiyasi Markaziy banki arxivi sahifalari orqali Arxivnaya kopiya