Yuriy Voylov
Юрий Григоревич Войлов (1945-йил 6-июн, Тошкент, ЎзССР, СССР – 2006-йил 13-май) совет ва украиналик олим, муҳандис, техника фанлари доктори (2000), профессор (2003), СССР Вазирлар Кенгаши мукофоти лауреати, Украинада хизмат кўрсатган фан ва техника арбоби (2003), Украина Технологиялар академиясининг академиги, Таълим вазирлиги илмий экспертлар кенгаши раисининг ўринбосари ҳамда махфийлик ва ахборотни ҳимоя қилиш масалалари бўйича давлат эксперти.
| Юрий Григоревич Войлов | |
|---|---|
| Таваллуди |
6-июн 1945-йил Тошкент, ЎзССР, СССР |
| Вафоти |
13-май 2006-йил Луганск, Украина |
| Фуқаролиги |
 СССР  Украина |
| Илмий даражаси | техника фанлари доктори |
Таржимаи ҳоли
Юрий Войлов 1945-йил 6-июнда Ўзбекистоннинг Тошкент шаҳрида ҳарбий хизматчи оиласида таваллуд топган[1].
Юрий 1963-йилда Луганск вилояти Шастя шаҳридаги ўрта мактабни тугатди. Сўнгра Луганск машинасозлик институтига яримўтказгич ва электр вакум муҳандислиги мутахассислиги бўйича ўқишга кирди. Биринчи курсни имтиёзли диплом билан тугатгандан сўнг, Юрий Войлов Киев политехника институтининг „Автоматлаштириш ва масофадан бошқариш“ мутахассислигига ўтказди[2].
1968-йилда Киевда ўқишни имтиёзли диплом билан тугатиб, Луганск муҳандислик институтига қайтиб келди ва у ерда аспирантурага ўқишга кирди.
Юрий Войлов 1969-йилдан бери академик Владимир Бармин бошчилигида мақсадли давлат космик дастурини ишлаб чиқиш бўйича илмий фаолият билан шуғулланади[3].
Григоревич 1974-йилда номзодлик диссертациясини ҳимоя қилди ва ишлаб чиқариш жараёнларини автоматлаштириш факултети деканининг ўринбосари этиб тайинланди. Шу билан бирга, у янги ўқув курсларини ташкил қилади ҳамда дастурларни бошқариш бўйича ўқув лабораториясини яратади. Саноат лабораторияси томонидан олинган натижалар ва муҳандислик ечимлари Луна-20, Луноход-1 ва Луноход-2 тизимларида қўлланган.
1980-йилда Юрий Войлов ишлаб чиқариш жараёнларини автоматлаштириш бўлимига раҳбарлик қилди. Унинг лабораторияси саноат йўналиши бўйича машҳурлик ва обрўга эришди.
Манбалар
- ↑ „Войлов Юрий Григорьевич“. Қаралди: 2023-йил 1-ноябр.
- ↑ „Юрий Войлов“. Қаралди: 2023-йил 1-ноябр.
- ↑ „Изобретатель ВОЙЛОВ ЮРИЙ ГРИГОРЬЕВИЧ является автором следующих патентов“. Қаралди: 2023-йил 1-ноябр.