Ziyosfera:Sayt maxfiylik siyosati

Maxfiylik siyosati — Ziyosfera (ziyosfera.uz) saytidan foydalanganingizda qanday maʼlumotlar yigʻilishi, ular nima uchun kerakligi va qanday himoya qilinishi haqida.

Saytdan foydalanish va roʻyxatdan oʻtish orqali siz ushbu siyosat bilan tanishganingizni va unga rozi ekaningizni bildirasiz.

Qanday maʼlumotlar yigʻiladi

Roʻyxatdan oʻtganda

Foydalanuvchi nomi va parol. Parol bizda ochiq holda saqlanmaydi, faqat bir tomonlama shifrlangan (xesh) koʻrinishda saqlanadi.
Elektron pochta manzili. U roʻyxatdan oʻtishda tasdiqlash kodini yuborish, parolni tiklash va (siz ruxsat bersangiz) boshqa ishtirokchilar bilan aloqa uchun ishlatiladi.
Ism va familiya, yashash manzili, ish yoki oʻqish joyi — bular ixtiyoriy. Kiritmasangiz ham roʻyxatdan oʻta olasiz.

Saytdan foydalanganda

IP-manzil va brauzer haqidagi texnik maʼlumotlar — xavfsizlik, spamdan himoya va nosozliklarni aniqlash uchun server jurnallarida saqlanadi va 30 kundan ortiq saqlanmaydi.
Cookie fayllar — tizimga kirganingizni eslab qolish va sayt sozlamalaringizni (masalan, mavzu yoki tilni) saqlash uchun.
Umami tizimi orqali umumiy tashrif statistikasi (qaysi sahifalar koʻrilgani) — shaxsingizni aniqlamaydigan koʻrinishda.

Hamma uchun ochiq boʻladigan maʼlumotlar

Ziyosfera — ochiq vikiloyiha. Quyidagilar hamma uchun koʻrinadi va oʻchirib boʻlmaydi:

Foydalanuvchi nomingiz va qilgan barcha tahrirlaringiz, ularning vaqti va izohlari;
munozara sahifalari va Sizning foydalanuvchi sahifangizga yozgan maʼlumotlaringiz.

Shuning uchun foydalanuvchi nomingizni tanlashda va sahifalarga yozishda shaxsiy maʼlumotlaringizni (telefon, manzil va hokazo) oshkor qilmang. Roʻyxatdan oʻtmasdan tahrir qilsangiz, ismingiz oʻrnida IP-manzilingiz tahrirlar tarixida koʻrinadi.

Maʼlumotlardan qanday foydalaniladi

hisobingizni yaratish va himoya qilish;
tasdiqlash kodi va parolni tiklash xatlarini yuborish;
sayt qoidalariga rioya etilishini, vandalizm va spamga qarshi kurashishni taʼminlash;
saytni yaxshilash.

Elektron pochta manzilingiz va shaxsiy maʼlumotlaringiz uchinchi shaxslarga sotilmaydi va reklama maqsadida berilmaydi. Ular faqat qonun talab qilgan hollarda vakolatli organlarga berilishi mumkin.

Maʼlumotlarni himoya qilish

Maʼlumotlar bazasiga kirish cheklangan, parollar xesh koʻrinishida saqlanadi, sayt xavfsiz (HTTPS) ulanish orqali ishlaydi. Shunga qaramay, internetda mutlaq xavfsizlikni kafolatlab boʻlmaydi, shuning uchun parolingizni boshqalarga bermang.

Sizning huquqlaringiz

Ism, manzil, kasb kabi ixtiyoriy maʼlumotlaringizni istalgan vaqtda sozlamalar sahifasida oʻzgartirishingiz yoki oʻchirishingiz mumkin.
Hisobingiz va elektron pochta manzilingiz oʻchirilishini soʻrashingiz mumkin. Bunda tahrirlaringiz loyiha tarixida qoladi, lekin shaxsiy maʼlumotlaringiz oʻchiriladi.
Siz haqingizdagi saqlanayotgan maʼlumotlar boʻyicha savol berishingiz mumkin.

Murojaat uchun: Aloqa sahifasiga qarang.

Mobil ilova

ZiyoSfera mobil ilovasi hisob talab qilmaydi; u haqida ilova maxfiylik siyosatiga qarang.

Oʻzgarishlar

Ushbu siyosat vaqti-vaqti bilan yangilanishi mumkin. Oʻzgarishlar shu sahifada eʼlon qilinadi; sahifa tarixida avvalgi versiyalarni koʻrishingiz mumkin.