Ziyodin

Зиёвуддин — Ўзбекистон Республикаси Самарқанд вилоятидаги шаҳарча (1972-йилдан). Пахтачи тумани маркази (1973-йилдан). Туманнинг ўрта қисмида, Тошкент тоғининг шимоли-шарқий этагида, қарийб 400 м баландликда. Темир йўл стансияси — Зиёвуддин. Зиёвуддиндан Самарқандгача бўлган масофа 135 км. Аҳолиси 11,6 минг кишини ташкил этади (2000).

Зиёдин
шаҳар
40°2′3″Н 65°39′17″Э
Мамлакат	Ўзбекистон
вилоят	Самарқанд вилояти
туман	Пахтачи тумани
Аҳолиси	11 610
Вақт минтақаси	УТC+5
Зиёдин Зиёдин

Бухоро амирлиги даврида ҳозирги Зиёвуддиндан 15 км шарқда Зиёвуддин қалъаси (Зиёвуддин беклиги қароргоҳи), 5 км шимоли-шарқда Буви Зиёвуддиний қишлоғи бўлган (номи шундан). 1894-йил Зиёвуддин қалъасидан 15 км ғарбда (Зиёвуддин ўрнида) темир йўл стансияси қурилган ва ўша йили 15 майдан поезд қатнай бошлаган. Зиёвуддинда пахта тозалаш, сут, тош-шағал, ғишт, асфалт заводлари, нон комбинати, темир йўл транспорти корхоналари бор. Зиёвуддиндан Самарқанд, Нуробод, Оқтош, Навоий ш. ларига автобус қатнайди. Банк бўлимлари, деҳқон бозори, 5 та кутубхона (67,8 минг китобга эга), марказий стадион, „Пахтачи гўзали“ универмаги, дорихона, „Пахтачи“ ресторани, маиший хизмат кўрсатиш шохобчалари, сув минораси (1894-йил қурилган), ўлкашунослик музейи мавжуд. Зиёвуддин умумий таълим мактабида 2700 нафарга яқин ўқувчи таълим олади (2002). Болалар мусиқа мактаби, болалар санъат мактаби бор. „Оқ олтин“ ансамбли фаолият кўрсатади. Зиёвуддинда Хотира хиёбони барпо этилган.