Abu Muhammad ibn Abu Siyob sahifasining manbasini koʻrish

{{Adib bilgiqutisi
| ismi                     = Abu Muhammad ibn Abu Siyob
| tavallud_sanasi          = maʼlum emas (X asr)
| vafot_sanasi             = maʼlum emas
| fuqaroligi               = Somoniylar davlati
| ijod_tili                = arab
| janr                     = madh, hajv, vasf
| yoʻnalish                = sheʼriyat
}}

'''Abu Muhammad ibn Abu Siyob''' (X asr) — [[Somoniylar davlati|Somoniylar]] davrida [[Buxoro]]da yashab ijod qilgan arabiynavis shoir.

== Hayoti va faoliyati ==
[[Saolibiy|Abu Mansur as-Saolibiy]] o‘zining [[Yatimat ad-dahr|„Yatimat ad-dahr“]] kitobida Ibn Abu Siyobni [[buvayhiylar]]ning Ray shahridagi vaziri, shoir va olimlar homiysi mashhur Abu-l-Fazl ibn al-Amid (vafoti 970-yil)ning suhbatdoshlaridan biri bo‘lganligi haqida ma’lumot beradi. Ibn al-Amid ham mashhur shoir va olimlardan bo‘lib, u o‘z saroyiga [[Arab xalifaligi]]ning turli tomonlaridan boshpana qidirib kelgan ko‘pgina shoir va olimlarni to‘plagan edi<ref>{{Kitob manbasi |title=Китоб латоиф ал-маориф (Ажойиб маълумотлар ҳақида  китоб) |year=1987 |author=Абу Мансур ас-Саолибий |publisher=Фан |location=Тошкент |page=63}}</ref>. Ibn Abu Siyob ham shu saroyda xizmat qilib, Ibn al-Amidga o‘zining bir qancha qasidalarini bag‘ishlaydi. Keyinchalik noma’lum sabab bilan Ibn al- Amid saroyini tashlab [[Buxoro|Buxoroga]] keladi.

Ibn Abu Siyob [[Buxoro]]da yaxshi kutib olinadi. Lekin uning [[Buxoro]]da qanday vazifani o‘tagani ma’lum emas. Shoir Abu Ja’far ibn al-Abbos bilan uning o‘rtasida kuchli raqobat bo‘lgan. Ular bir-birlarini hajv qilib juda ko‘p hajviy she’rlar yozganlar, Masalan, Ibn Abu Siyob o‘zining [[Yatimat ad-dahr|„Yatimat ad-dahr“]] asariga kiritilgan ikkita hajviy she’rida raqibini haqoratli so‘zlar bilan tanqid qiladi.

== Ijodi ==
Ibn Abu Siyob panegirist (maqtov tarzidagi, madh etuvchi she’rlar bituvchi) shoirdir. Lekin u vasfiy she’rlar yozishda ham juda mohir bo‘lgan. Uning sham haqidagi vasfi [[Yatimat ad-dahr|„Yatimat ad-dahr“]] tazkirasiga kiritilgan eng nafis va kuchli vasfiy she’rlardan biri hisoblanadi. Shoir juda chiroyli o‘xshatish va majozlardan foydalangan<ref>{{Kitob manbasi |title=Бухоронинг арабийнавис шоирлари |year=1965 |author=Абдуллаев И |publisher=Фан |location=Тошкент |page=49}}</ref>. Uning sheʼrida qoʼllangan badiiy sanʼatlar shoirning badiiy mahoratini namoyon etadi.

== Manbalar ==
[[Turkum:Somoniylar davri adabiyoti]]
[[Turkum:Somoniylar davri shoirlari]]
[[Turkum:Buxoroda yashagan shoirlar]]
[[Turkum:Buxoroda ijod qilganlar]]

{{no iwiki}}