Adrian Lulgjuraj
Adrian Lulgjuraj (1980-yil 19-avgustda tugʻilgan) — Chernogoriyada tugʻilgan albaniyalik xonanda.
Adrian Lulgjuraj | |
|---|---|
.jpg) | |
| Tavalludi |
1980-yil 19-avgust Ulcinj, Albaniya |
| Janrlar | Rok |
| Turmush oʻrtogʻi | Ana Pejović |
| Hamkorligi | Bledar Sejko |
U Bledar Sejko bilan birgalikda „Identitet“ qoʻshigʻi orqali Albaniya nomidan Malmö shahrida oʻtkazilgan „Eurovision–2013“ qoʻshiq tanlovida ishtirok etgan. Mazkur qoʻshiq final bosqichiga yoʻl ololmagan[1].
Biografiyasi
Adrian Lulgjuraj Chernogoriyaning eng janubiy shahri boʻlgan Ulcinj (albancha: Ulqin) shahrida albaniyalik oilada tugʻilgan. U albaniylar koʻpchilikni tashkil etadigan shaharda voyaga yetgan boʻlsa-da, faoliyati davomida Chernogoriyaning turli hududlaridagi loyihalar va festivallarda ishtirok etgan. Lulgjuraj xayriya faoliyati hamda oʻziga xos musiqiy uslubi bilan tanilgan. U 2010-yil boshlarida Albaniya musiqa sahnasiga kirib kelib, turli telekoʻrsatuvlar va musiqiy festivallarda, jumladan „Top Fest“da qatnashgan. U mazkur tanlovda ikki marta ishtirok etib, har ikki safar ham final bosqichiga chiqqan va bir qator mukofotlarni qoʻlga kiritgan. Shuningdek, Lulgjuraj „The Voice of Albania“ koʻrsatuvida murabbiy yordamchisi sifatida ham faoliyat yuritgan.
Shaxsiy hayoti
Adrian Lulgjuraj 2000-yilda „Chernogoriya goʻzali“ unvonini qoʻlga kiritgan Ana Pejović Lulgjuraj bilan turmush qurgan. Ularning ikki nafar farzandi bor[2].
Diskografiyasi
- 2012: „Identitet“ (Identity) (Bledar Sejko bilan)
- 2012: „Evoloj“ (Evolve)
- 2011: „Të mori një det“ (You went away)
Mukofotlar
| Yil | Nomzod / ish | Mukofot | Natija |
|---|---|---|---|
| 2012 | „Identitet“ (Bledar Sejko bilan) | Birinchi darajali mukofot | Gʻolib boʻlgan |
| Yil | Nomzod / ish | Mukofot | Natija |
|---|---|---|---|
| 2012 | „Evuloj“ | Eng yaxshi erkak xonanda | Gʻolib boʻlgan |
Manbalar
- ↑ Escudero, Victor „Adrian Lulgjuraj & Bledar Sejko win Festivali i Këngës!“. Eurovision.tv. EBU (2012-yil 23-dekabr). Qaraldi: 2012-yil 23-dekabr.
- ↑ „Kako je najmlađa crnogorska misica sama pogasila reflektore“ (cnr). Portal Analitika. Qaraldi: 2015-yil 20-iyun.