Abulhasan Shofiʼiy Movardiy

Абулҳасан Шофи’ий Мовардий(арабча:مسعد بن اصفاء قباوي — Абулҳасан Шофи’ий Мовардий — Тўлиқ исми:Абулҳасан Али ибн Муҳаммад ибн Ҳабиб Басрий Шофи’ий Мовардий) — муҳаддис ва фақиҳ.

Абулҳасан Шофиъий Мовардий
Шахсий маълумотлар
Таваллуди	964-йил
Вафоти	1058-йил
Дини	Ислом
Танилган соҳаси	муҳаддис, фақиҳ

Тарихи

Абулҳасан Шофи’ий Мовардий 964-йили Басрада таваллуд топган. Алломанинг аждодлари сулолавий фиқҳшунослар бўлиб, у илк таълимни отасидан олган. Илмий мавқеининг юксалишида басралик устози Абулқосим Саймарий Ҳанафий хизмати катта бўлган. Кейинчалик унга „Байту-л-ҳикма“нинг машҳур мутафаккирлари устозлик қилган. Буюк фақиҳ, муҳаддис ва давлат арбоби бўлган Абулҳасан Али ибн Муҳаммад Мовардий ислом дини, давлат бошқаруви ва тилшуносликка оид ўнлаб асарлар муаллифидир.

Фаолияти

Абулҳасан Шофи’ий Мовардийнинг „Тафсиру-л-Қур’он“ („Қур’он тафсири“), „Китобу-л-ҳовийи-л-кабир“ („Буюк қомус“), „Китобу-л-иқнаъ фи-л-фиқҳи-ш-шофи’ий“ („Шофи’ий фиқҳи ҳақидаги ишончли манба“), „Китоб фи-л-бую’“ („Савдо сотиқ ҳақида“), „Китоб аъломи-н-нубувва“ („Пайғамбарлик аломатлари ҳақида китоб“), „Ал-аҳкому-с-султонийя ва-л-валоёти-д-динийя“ („Давлатчилик қонунлари ва шар’ий бошқарувлар“), „Қавонийну-л-визорати ва сиёсати-л-мулук“ („Подшоҳлар сиёсати ва вазирлик қонунлари“), „Китоб ташилу-н-назар ва таъжили-з-зафар фи ахлоқи-л-малак ва сиёсати-л-мулук“ („Зафар қучиш омиллари ва нуқтаи назар соҳиллари“), „Сиёсату-л-мулук“ („Подшолар сиёсати“), „Китоб фи-н-наҳви“ („Араб тили грамматикаси“), „Китобу-л-амсал ва-л-ҳикам“ („Масалалар ва ҳукмлар“), „Китоб адабу-д-дунё ва-д-дин“ („Дин ва дунё одоби“), „Адабу-л-қози“ („Қозилик одоби“), „Китоб адабу-т-такаллум“ („Нутқ маданияти ҳақида китоб“), „Китоб маърифати-л-фазоил“ („Фозилларнинг маърифати“), „Китобу-р-рутба (мартаба) фи талаби-л-ҳисба“ („Ҳисба ташкилотининг талаби ҳақида рутбалар китоби“) каби асарлар шулар жумласидандир.