Albina Kelmendi
Albina Kelmendi (1998-yil 27-yanvarda tugʻilgan)[1] — kosovolik xonanda va qoʻshiqnavis. U 2014-yilda „The Voice of Albania“ koʻrsatuvining toʻrtinchi mavsumida ikkinchi oʻrinni egalaganidan soʻng mashhurlikka erishgan[2]. Kelmendi oʻz oilasi bilan birgalikda „Duje“ qoʻshigʻi orqali Albaniya nomidan „Eurovision–2023“ tanlovida ishtirok etgan.
Albina Kelmendi | |
|---|---|
 Kelmendi 2019-yilda | |
| Umumiy maʼlumot | |
| Tavalludi |
1998-yil 27-yanvar Peja, Kosovo |
| Janrlar | Pop |
| Faoliyat yillari | 2013–hozirgacha |
| Leybllar | Folé Publishing |
Albina Kelmendi | |
|---|---|
| Cholgʻular |
|
Yoshligi
Albina Kelmendi Kosovoning Pejë shahrida (oʻsha paytda Yugoslaviya tarkibida) tugʻilgan. U tugʻilgan shahridagi Halit Kasapolli Musiqiy maktabida klarnet va pianino boʻyicha taʼlim olgan. Shuningdek, u oilasi bilan birgalikda Family Band nomi ostida sahna faoliyatini boshlagan[1][3].
Karyerasi
2014–2021: „The Voice of Albania“ va „Top Fest“
2014-yilda Albina Kelmendi „The Voice of Albania“ koʻrsatuvining toʻrtinchi mavsumida ishtirok etish uchun saralash bosqichidan oʻtgan. Tinglovlar davomida barcha toʻrt nafar murabbiy uning chiqishiga qiziqish bildirgan va oʻrindiqlarini burishgan. Shundan soʻng u Elsa Lila jamoasiga qoʻshilgan. Kelmendi mavsum yakunida ikkinchi oʻrinni egallagan[3].
| Bosqich | Qoʻshiq | Asl ijrochi(lar) | Izohlar |
|---|---|---|---|
| Koʻr-koʻrona tinglovlar | Somethingʻs Got a Hold on Me | Etta James | Barcha toʻrt murabbiy oʻrindigʻini burdi, Elsa jamoasini tanladi |
| Jang bosqichi | Run Baby Run | Sheryl Crow | Nilsa Hysidan ustun keldi |
| Nokaut bosqichi | Suus | Rona Nishliu | Xhejni Memlikajdan ustun keldi |
| Jonli efirlar | Tomlin e nanës | Jericho | |
| Serenata e Shubertit | Frederik Ndoci | ||
| All for Love | Bryan Adams, Rod Stewart va Sting | Elsa jamoasi bilan | |
| Yarim final | Itʼs a Manʼs Manʼs Manʼs World | James Brown | |
| Final | Zgjohu | Jericho | |
| Unchain My Heart | Ray Charles | ||
| Tomlin e nanës | Jericho | Jericho bilan birga |
Keyingi yili Albina Kelmendi „Top Fest“ tanlovining oʻn ikkinchi mavsumida ishtirok etib, „Nuk ka ma mire“ qoʻshigʻini ijro etgan[4].
2022–hozirgacha
2022-yil iyun oyida Albina Kelmendi oʻzining ilk studiyaviy albomi — „Nana loke“ni chiqargan[5]. Oʻsha yil dekabr oyida u oilasining besh aʼzosi bilan birgalikda „Festivali i Këngës 61“ tanlovida Albina & Familja Kelmendi nomi ostida ishtirok etib, „Duje“ qoʻshigʻini taqdim etgan[6]. Guruh final kechasida hakamlar ovozi bilan ikkinchi oʻrinni egallagan boʻlsa-da, tomoshabinlar ovozi natijasida Albaniyani Liverpool shahrida boʻlib oʻtgan „Eurovision–2023“ qoʻshiq tanlovida vakillik qilish huquqini qoʻlga kiritgan[7].
„Eurovision“da ular 11-may kuni ikkinchi yarim finalda chiqish qilib, finalga yoʻl olishgan. Yakunda esa grand finalda 22-oʻrinni egallagan[8].
Manbalar
- ↑ 1,0 1,1 „Albina Kelmendi në Radio KFOR zbuloi se në fund të muajit shkurt lanson projektin e ri muzikor“ (en-US). Radio KFOR Shqip (2019-yil 8-fevral). 2022-yil 23-dekabrda asl nusxadan arxivlangan. Qaraldi: 2022-yil 23-dekabr.
- ↑ „Albina Kelmendi – Biografia“. www.teksteshqip.com. 2022-yil 23-dekabrda asl nusxadan arxivlangan. Qaraldi: 2022-yil 23-dekabr.
- ↑ 3,0 3,1 „Ja pse u përlot Albina Kelmendi në intervist“ (sq). InfoKosova (2022-yil 16-dekabr). 2022-yil 23-dekabrda asl nusxadan arxivlangan. Qaraldi: 2022-yil 23-dekabr.
- ↑ „Intervistë me këngëtaren Albina Kelmendi: Nuk ka zhanër të mirë apo të keq, gjithçka varet nga interpretimi dhe ndjenja që e përçon përmes këngës“ (en). Kosova Sot (2020-yil 11-may). 2022-yil 23-dekabrda asl nusxadan arxivlangan. Qaraldi: 2022-yil 23-dekabr.
- ↑ „Në bashkëpunim me nënën, Albina Kelmendi publikon albumin "Nana loke"“ (sq). Dielli.info. 2022-yil 23-dekabrda asl nusxadan arxivlangan. Qaraldi: 2022-yil 23-dekabr.
- ↑ Granger, Anthony „Albania: Festivali i Këngës 61 Participants Revealed“ (en-GB). Eurovoix (2022-yil 27-oktyabr). 2023-yil 4-fevralda asl nusxadan arxivlangan. Qaraldi: 2022-yil 23-dekabr.
- ↑ Farren, Neil „Albania: Albina & Familja Kelmendi to Eurovision 2023“ (en-GB). Eurovoix (2022-yil 22-dekabr). 2022-yil 31-dekabrda asl nusxadan arxivlangan. Qaraldi: 2022-yil 23-dekabr.
- ↑ „Eurovision 2023 Results: Voting & Points“ (en-gb). Eurovisionworld. 2023-yil 23-mayda asl nusxadan arxivlangan. Qaraldi: 2023-yil 14-may.