Andrey Miklyayev

Andrey Gennadyevich Miklyayev 1967-yil 7-sentabrda Toshkentda tugʻilgan oʻzbek futbolchisi, himoyachi va yarimhimoyachi. Hozirgi kunda murabbiylik faoliyati bilan shugʻullanadi. 2019-yildan buyon “Surxon” (Termiz) klubi bosh murabbiyi.

Andrey Miklyayev

Shaxsiy maʼlumot
Toʻliq ismi	Miklyayev Andrey Gennadyevich
Tavallud sanasi	1967-yil 7-sentyabr (1967-09-07) Toshkent
Boʻyi	174 sm
Ampluasi	himoyachi, yarimhimoyachi
Klub maʼlumoti
Joriy klub	Surxon
Yoshligida aʼzo boʻlgan klublar
–	Paxtakor (Toshkent)
Professional faoliyati*
Yillar	Jamoa	Isht.	(Gol.)
1987	HSK (Kiyev)		(33 (2))
1987	MHSK (Moskva)		(0 (0))
1988-1990	Paxtakor		(67 (1))
1991	Neftchi		(33 (0))
1992-1994	Neftchi		(83 (6))
1995	Paxtakor		(21 (1))
1995	Politotdel		(6 (2))
1996-1997	Paxtakor		(54 (1))
1998-1999	Nasaf		(22 (0))
2000-2001	Metallurg (Bekobod)		(36 (1))
Milliy terma jamoa
1992-1997	Oʻzbekiston
Boshqargan klublari
2002-2003 2004	NBU-Osiyo Lokomotiv (Toshkent)
2005-2007	Qizilqum
2008-2010	Lokomotiv (Toshkent)
2010	Lokomotiv (Toshkent)
2011	Olmaliq
2012-2015	Lokomotiv (Toshkent)
2015	Lokomotiv (Toshkent)
2016-2018	Lokomotiv (Toshkent)
2018 - h.q.	Surxon
*Professional klublardagi gollari (ichki chempionat)

Karyerasi

Futbolchilik faoliyati

Andrey Miklyayev Toshkentning “Paxtakor” klubi tarbiyalanuvchisi hisoblanadi. U shu klubning futbol akademiyasida tahsil olgan. 1984-yilda Miklyayev oʻzining professional faoliyatini aynan shu klub tarkibida boshlagan. 1987-yilda Kiyevning “SKA” va Moskvaning “SSKA” klublarida oʻynagan.

1980-yillar oxirida Miklyayev “Paxtakor”ga qaytgan. 1991-1994-yillarda Fargʻonaning “Neftchi” jamoasida toʻp surgan va ushbu klub safida 116 ta oʻyin oʻtkazib, 6 ta gol urgan. 1990-yillarning ikkinchi yarmida “Paxtakor”, “Politotdel” va “Nasaf” klublarida oʻynagan. 2000-2001-yillarda Bekobodning “Metallurg” jamoasida toʻp surgan va 2001-yilda futbolchilik faoliyatini shu klub tarkibida yakunlagan.

Murabbiylik faoliyati

Futbolchilik faoliyatini yakunlaganidan bir yil oʻtib, 2002-yilda Toshkentning “NBU-Osiyo” jamoasiga bosh murabbiy etib tayinlangan. Ikki mavsum shu klubda ishlagan va 2004-yili “Lokomotiv”ga oʻtib, Toshkent temiryoʻlchilariga rahbarlik qilgan. 2005-2007-yillarda Zarafshonning “Qizilqum” jamoasi murabbiylar shtabida faoliyat yuritgan. 2008-2010-yillarda Toshkentning “Lokomotiv” klubi sport direktori lavozimida ishlagan. 2010-yilda bir muddat “Lokomotiv” bosh murabbiyi lavozimida ishlagan. 2011-yilda Olmaliqning murabbiylar shtabida ishlagan. 2012-yilda “Lokomotiv”ga qaytib, jamoa murabbiylar shtabi a’zoligiga kirgan. 2015-yilda yana bir muddat “Lokomotiv” bosh murabbiyi lavozimida ishlagan. 2016-yilning yanvaridan 2018-yilning apreliga qadar ushbu klubda bosh murabbiy boʻlgan.