Antik adabiyot

Antik adabiyot (lot. antiquus — qadimgi) — Yunonistonda yuzaga kelgan yozma adabiyot (millodan avvalgi IX — VIII asrlar). Bu adabiyotning ilk namunasi „Iliada“ va „Odisseya“ dostonlari boʻlib, bular „Gomer dostonlari“ deb ham ataladi. Gomerdan tashqari Esxil, Sofokl, Yevripid va boshqa ham Antik adabiyotning yirik namoyandalaridir. Yunoniston va Qadimgi Rim adabiyotini Antik adabiyot deb qabul qilish bir yoqlama fikr. Chunki yozma adabiyotning eng qadim namunalari Sharqda, Shumer va Akkadda, Hindiston, Misr, Bobilda yaratilgan. Shumerliklarning Gilgamesh haqidagi dostoni yunon adabiyotidan 2000-yillar ilgari sopolga yozib qoldirilgan.

Adabiyotlar

• OʻzME. Birinchi jild. Toshkent, 2000-yil