Kontent qismiga oʻtish

Arab fathlari haqidagi parcha

ZiyoSfera, erkin ensiklopediya
Arab istilosi haqida parcha

Arab fathlari haqidagi parcha — taxminan 636-yilda bitilgan, bizgacha uzuq-yuluq holda yetib kelgan qaydlar. Ular VI asrda koʻchirilgan suryoniy nasroniylarning Mark Injili qoʻlyozmasi boshidagi boʻsh varaqlarga yozilgan. Parchada VII asr boshlarida Vizantiya bilan arablar oʻrtasida kechgan urush voqealari, ayniqsa, Yarmuk jangi hikoya qilinadi[1].

Tahlil

Bu parchalar VII asr boshidagi arab fathlari bilan bir davrda yozilgan deb hisoblanadi. Parchalarda tilga olingan „Gʻobito jangi“ Yarmuk jangining oʻzi boʻlsa, demak, bu parchalar Yarmuk jangi 636-yil 20-avgustda sodir boʻlganini qayd etgan eng ilk manbalardan biridir[2].

Cook va Crone „ Hagarism: The Making of the Islamic World“ (tarjimasi „Hagarizm: islom olamining shakllanishi“) asarida bu parchalarga asoslanib, Muhammad paygʻambar 636-yilda Yarmuk jangi paytida hali hayot boʻlgan, degan xulosaga kelgan. Bu fikr musulmon manbalaridagi paygʻambarning vafoti haqidagi maʼlumotlarga zid keladi[3].

Manbalar

  1. ↑ Robert Hoyland: Seeing Islam as Others Saw It, p. 116.
  2. ↑ Robert Hoyland, Seeing Islam as Others Saw It, p. 117.
  3. ↑ Patricia Crone, Michael Cook, Hagarism: The Making of the Islamic World