Arba Kanfot
Arba Kanfot-(ibr.To‘rtburchakli libos) yahudiylikdagi kichkina hajmdagi ibodat libosi. Uni “sisit” va “talit katan” deb ham nomlaydilar. Arba Kanfot uzunligi 3 fut, eni esa 1 fut bo‘lib, tepa qismining o‘rtasidan boshdan kiyishlik uchun joy bor. “Sonlar” kitobi (15, 37-41)da keltirilganidek, uni faqat erkaklar kiyishadi. Shuningdek,"talit” faqat tonggi ibodat vaqtida kiyimning ustidan tashlab olinsa, Arba Kanfot esa kiyimning ustidan kun davomida kiyib yuriladi. Ashkenazlarda “talit” 13 yoshdan buyurilsa,Arba Kanfot esa bola o‘zi mustaqil ravishda kiyinib yechinishga qodir bo‘lgandan keyishi mumkin. Arba Kanfotning kun davomida kiyim ustidan keyish odati qachon paydo bo‘laganini aniq aytish mushkul. Tahminlarga ko‘ra, Yevropada yahudiylar qattiq tazyiq ostida bo‘lgan vaqtlari bu odatni kiritganlar. Ular kun davomida katta “talit”ni kiyib yura olmaganlar, faqatgina ibodat vaqtida sinagogada kiyganlar. Biroq, amrni buzmaslik maqsadida Arba Kanfotni kiyim ustidan tashlab yurganlari qayd qilinadi[1].
Manbalar
Adabiyotlar
- Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.
 | Bu maqola birorta turkumga qoʻshilmagan. Iltimos, maqolaga aloqador turkumlar qoʻshib yordam qiling. (Aprel 2024) |
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |