Ziyosfera

Ayşe Zarakol

Ayşe Zarakol (talaffuzi: Ayshe Zarakol; 1977-yil, Istanbul, Turkiya) — turkiyalik siyosatshunos olima. Zarakol Kembrij universiteti Siyosat va xalqaro tadqiqotlar boʻlimining professori hamda Emmanuel kolleji tadqiqotchisi, bundan tashqari, Zarakol kollejda xalqaro siyosatdan dars beradi[1][2][3].

Ayşe Zarakol
Tavalludi 1977-yil
Istanbul, Turkiya
Fuqaroligi Turkiya bayrogʻi Turkiya
Kasbi siyosatshunos
Ish joylari Kembrij universiteti
Emmanuel kolleji
Taʼlimi Middlebury kolleji
Wisconsin–Madison universiteti
Ilmiy darajasi siyosatshunoslik boʻyicha falsafa doktori
Ilmiy unvoni dotsent
Mashhur ishlari „Magʻlubiyatdan soʻng: Sharq Gʻarb bilan baqamti yashashni qanday oʻrganadi?“ (2011)
„Gʻarb uygʻongunga qadar. Dunyoning sharqona nizomi taraqqiyoti va tanazzuli“ (2022)

Tarjimayi holi

Zarakol 1977-yilda Turkiyaning Istanbul shahrida tugʻilib oʻsgan. Zarakol AQShning Vermont shtatidagi Middlebury kollejida siyosatshunoslik va antik davr tarixshunosligi boʻyicha taʼlim olib, bakalavr darajasini olgan. Shundan keyin Zarakol ilmiy faoliyatini Wisconsin–Madison universitetida davom ettirib, ushbu universitetda dastlab magistr, soʻngra siyosatshunoslik boʻyicha falsafa doktori darajasini oladi. Oʻqishni tugatgandan soʻng, Virjiniyadagi Washington & Lee universitetida dotsent lavozimida faoliyat olib boradi. Zarakol 2013-yilda Kembrij universiteti va unga qarashli Emmanuel kolleji aʼzosi boʻladi[4].

Ilmiy faoliyati

Zarakolning ilmiy faoliyati xalqaro tizimdagi Sharq va Gʻarb munosabatlari, zamonaviylik va suverenitet muammolari, yuksalayotgan va tanazzulga yuz tutayotgan davlatlar dinamikasi hamda xalqaro munosabatlarning nazariy asoslariga bagʻishlangan.

2011-yilda Zarakolning „Magʻlubiyatdan soʻng: Sharq Gʻarb bilan baqamti yashashni qanday oʻrganadi?“ (inglizcha: „After Defeat: How the East Learned to Live with the West“) nomli birinchi kitobi nashr etilgan[5]. „Gʻarb uygʻongunga qadar. Dunyoning sharqona nizomi taraqqiyoti va tanazzuli“ (inglizcha: „Before the West: The Rise and Fall of Eastern World Orders advances“) nomli ikkinchi kitobida XIII—XVII asrlarda mavjud boʻlgan Sharq dunyosi tartiblari, xususan, zamonaviy xalqaro tartib bilan maʼlum jihatdan qiyoslash mumkin boʻlgan tuzumlar tadqiq qilingan[6]. Kitob oltita adabiy mukofot bilan mukofotlangan[7].

Zarakolning ilmiy maqolalari American Political Science Review[8], Annual Review of Political Science[9], International Organization[10], International Affairs[11], International Theory[12], International Studies Quarterly, European Journal of International Relations, Review of International Studies, Cooperation & Conflict va boshqa ilmiy jurnallarda chop etilgan[13].

Zarakol 2023-yilda Rahmi M. Koç nomidagi ilm-fan medali bilan taqdirlangan[14][15]. 2024-yilda Zarakol Britaniya akademiyasi[16] va Yevropa akademiyasi[17] aʼzosi etib saylangan.

Vikiiqtibosda Ayşe Zarakolga tegishli iqtiboslar mavjud.

Manbalar

  1. ↑ „Professor Ayse Zarakol | Fellows & Researchers | Contact Us | About Us | Emmanuel College, Cambridge“ (inglizcha). www.emma.cam.ac.uk. 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  2. ↑ „2024 Annual Lecture of the Yan P. Lin Centre - 'Is the Disorder of Our Times Unprecedented?' by Ayşe Zarakol“ (inglizcha). Yan P. Lin Centre: Freedom and Global Orders in the Ancient and Modern Worlds. 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  3. ↑ Sarah Tschiggfrie. „W&L's Zarakol Wins International Fellowship from Council on Foreign Relations“ (inglizcha). The Columns (2012-yil 5-mart). 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  4. ↑ „Professor Ayse Zarakol | Fellows & Researchers | Contact Us | About Us | Emmanuel College, Cambridge“ (inglizcha). www.emma.cam.ac.uk. 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  5. ↑ Gyelnik, Teodor; Zarakol, Ayşe (2012). "Review of Living in other worlds. After defeat: how the East learned to live with the West, ZarakolAyşe". International Issues & Slovak Foreign Policy Affairs 21 (1–2): 93–95. ISSN 1337-5482. https://www.jstor.org/stable/26590313. 
  6. ↑ „The world order before and after the West: A conversation with Ayse Zarakol“ (inglizcha). middleeastmonitor.com (2022-yil 2-noyabr). 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  7. ↑ „Book Prizes“ (inglizcha). ssha.org. 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  8. ↑ Sharman, J. C.; Zarakol, Ayşe (2024-yil may) "Global Slavery in the Making of States and International Orders" (inglizcha) American Political Science Review 118 (2): 802–814 doi:10.1017/S0003055423000424 ISSN 0003-0554 https://www.cambridge.org/core/journals/american-political-science-review/article/global-slavery-in-the-making-of-states-and-international-orders/EE455C018283685A1C3BAEADE8A63D04. 
  9. ↑ Loh, Dylan M. H.; Paes, Lucas de Oliveira; Zarakol, Ayşe (21.11.2025) "Non-Western Visions of International Order" (inglizcha) Annual Review of Political Science doi:10.1146/annurev-polisci-032824-084913 https://www.annualreviews.org/content/journals/10.1146/annurev-polisci-032824-084913. 
  10. ↑ Mattern, Janice Bially; Zarakol, Ayşe (2016-yil iyul) "Hierarchies in World Politics" (inglizcha) International Organization 70 (3): 623–654 doi:10.1017/S0020818316000126 ISSN 0020-8183 https://www.cambridge.org/core/journals/international-organization/article/abs/hierarchies-in-world-politics/D1AD62448A511832A052093BA6F92A3A. 
  11. ↑ Lawson, George; Zarakol, Ayşe (09.01.2023) "Recognizing injustice: the 'hypocrisy charge' and the future of the liberal international order" (inglizcha) International Affairs 99 (1): 201–217 doi:10.1093/ia/iiac258 ISSN 0020-5850 https://academic.oup.com/ia/article/99/1/201/6967344. 
  12. ↑ Zarakol, Ayşe (2014-yil iyul) "What made the modern world hang together: socialisation or stigmatisation?" (inglizcha) International Theory 6 (2): 311–332 doi:10.1017/S1752971914000141 ISSN 1752-9719 https://www.cambridge.org/core/journals/international-theory/article/abs/what-made-the-modern-world-hang-together-socialisation-or-stigmatisation/85BC53DBDEEA5AC379C5F5CE2FCF2374. 
  13. ↑ Zarakol, Ayşe (2017). "States and ontological security: A historical rethinking". Cooperation and Conflict 52 (1): 48–68. doi:10.1177/0010836716653158. ISSN 0010-8367. https://www.jstor.org/stable/48512930. 
  14. ↑ D. Mason. „Professor Ayşe Zarakol is awarded the Rahmi M. Koç Medal of Science“ (inglizcha). www.polis.cam.ac.uk (2023-yil 29-noyabr). 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  15. ↑ „Ayşe Karakol ödülün sahibi oldu!“ (turkcha). „Sonsöz“ gazetasi (2023-yil 29-noyabr). 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  16. ↑ „Professor Ayse Zarakol FBA“. 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr.
  17. ↑ „Academy of Europe: Zarakol Ayşe“. www.ae-info.org. 2026-yil 1-sentyabrda asl nusxadan arxivlangan. Qaraldi: 2026-yil 1-sentyabr. 
"https://new.ziyosfera.uz/ziyo/Ay%C5%9Fe_Zarakol" dan olindi