Bajan Mikola sahifasining manbasini koʻrish

'''Bajan Mikola''' (taxallusi; asl ismi Nikolay Platonovich) (1903-yil 26-sentabr, [[Kamenes-Podolskiy]] – 1983-yil 5-iyun, [[Kiyev]]) – ukrain shoiri va jamoat arbobi. [[Ukraina Fanlar Akademiyasi]] akademik (1951), Oʻzbekiston xalq shoiri (1968), Ukrainada xizmat koʻrsatgan fan arbobi (1966). Ukraina ensiklopediyasi bosh muharriri (1958–1983). „Oʻn yettinchi soqchi“ ilk sheʼriy toʻplami 1926-yilda bosilgan. „Saflanish“ (toʻplam, 1929), „Gofman tuni“ (1929), „Soʻqirlar“ (1929–1932) kabi tarixiy asarlarida yaxshilik bilan yomonlik oʻrtasidagi ziddiyat aks etgan. 20-yillarda [[futurizm]] va [[konstruktivizm]] taʼsirida ijod qila boshlagan, lekin tez orada realistik sheʼr va dostonlar yozishga kirishgan. Bajanning „Angliya taassurotlari“ (1948), „Odamlar, kitoblar, sanalar“ (1968), „Oʻylar va xotiralar“ (1983) kabi asarlari xalqlar doʻstligi, tinchlik uchun kurash mavzuida. Bajan 1930, 1941–1942 yillarda Oʻzbekistonda yashagan, taassurotlari „Oʻzbekiston sheʼrlari“ (1942) turkumiga kirgan sheʼrlarda aks etgan. [[Alisher Navoiy|Navoiyning]] „[[Farhod va Shirin]]“ dostonini ukrain tiliga tarjima qilgan (1947). Asarlari oʻzbek tilida nashr etilgan.

== Adabiyotlar ==
* [[OʻzME]]. Birinchi jild. Toshkent, 2000-yil
{{chala}}

{{OʻzME}}

[[Turkum:Oʻzbekiston SSR xalq shoirlari]]
[[Turkum:Alifbo boʻyicha shoirlar]]