Baken

Baken (gollandcha baken) – suv betida qalqib turadigan belgi, mayoq; langarga bogʻlangan boʻladi. Suv yoʻllarida kema harakatiga xavf soladigan joylarni va kemalarning oʻtishi uchun eng qulay yoʻllarni koʻrsatish uchun qoʻyiladi. Baken piramida, konus yoki shar shaklida yogʻoch yoki poʻlatdan ishlanadi. Elektr lampochka, kerosin lampa yoki atsetilen fonuslar bilan yoritiladi. Kema projektorining nuri tushganda yarqirab koʻrinadigan boʻlishi uchun baken sirtiga baʼzan qirrali koʻzgular qoplanadi. Avtomatik bakenlar oʻchib yonib turadi.

Adabiyotlar

• OʻzME. Birinchi jild. Toshkent, 2000-yil