Banque du Caire
|
| |
| Turi | Xususiy bank |
|---|---|
| Joylashuvi | Qohira, Misr |
| Vebsayti | bdc.com.eg |
Banque du Caire (BDC) — Misrning yirik banklaridan biri. Bank 1952-yilda tashkil etilgan[1]. Bosh qarorgohi Qohirada joylashgan ushbu bank korporativ va chakana mijozlarga turli xil xizmat hamda mahsulotlarni taklif etadi. Misr boʻylab 248 ta filial tarmogʻiga ega boʻlgan Banque du Caire 3 milliondan ortiq mijozga xizmat koʻrsatadi[2][3].
Bank moliyaviy inklyuzivlikni ragʻbatlantirish maqsadida banklararo mikromoliyalashtirishni institutsionallashtirish ustida ish olib bordi. Shuningdek, u chakana va korporativ mijozlar uchun raqamli bank tizimlarini yuritadi[4]. 2018-yilda bank Cairo Leasing Corporation (CLC) nomli korporativ lizing kompaniyasini ishga tushirdi. Bundan tashqari, Banque du Caire Cairo International Bank orqali COMESA bozorlariga kirish imkoniyatini ham taqdim etadi[5][2].
Tarixi
- 1952-yil — Bir nechta badavlat oilalar, xususan, misrlik yahudiy Kattaui sulolasi hamda Halabdan boʻlgan badavlat yahudiy bankirlar — Sassunlar oilasi Banque du Caire (BC) bankini xususiy bank sifatida tashkil etdi.
- 1954-yil — BC Jidda shahrida oʻz filialini ochdi.
- 1957-yil — Suvaysh inqirozi ortidan Misr hukumati barcha fransuz va ingliz banklarini, keyinchalik esa barcha xorijiy banklarni milliylashtirganidan soʻng, BC Crédit Lyonnais hamda keyinchalik BNP Paribas tarkibiga kirgan Comptoir National d’Escompte de Paris (CNEP) banklarining Misrdagi faoliyatini oʻz qoʻliga oldi. Bank bu qadamni oʻz rivojlanishidagi muhim bosqich sifatida baholadi[6].
- 1959-yil — Bundan avval BC Suriyaning Damashq va Iordaniyaning Amman shaharlarida bittadan filial ochgan, keyinchalik esa Suriyaning Halab va Latakiya shaharlarida ham filiallar tashkil etgan edi.
- 1960-yil — BCning Amman shahridagi filiali Cairo Amman Bankga aylandi va BC ushbu bankdagi ozchilik ulushini saqlab qoldi. 1999-yilda bu ulush 12 foizni tashkil etgan.
- 1961-yil — Misr hukumati BCni milliylashtirdi.
- 1962-yil — Banque Misr Liban BCning Livandagi filiallarini oʻz tarkibiga qoʻshib oldi.
- 1963-yil — Suriya hukumati BCning mamlakatdagi filiallarini milliylashtirdi va ularni 1961-yilda tashkil etilgan Banque de l’Unité Arabe (Arab birligi banki) tarkibiga kiritdi.
- 1964-yil — BC Banque de l’Union Commerciale (sobiq Credit Orient) bankini oʻziga qoʻshib oldi.
- 1975-yil — BC Saudiya Arabistonining mahalliylashtirish dasturiga binoan, ushbu mamlakatdagi beshta filialini 40 foizlik ulush evaziga Saudi Cairo Bank tarkibiga oʻtkazdi. Shu yilning oʻzida BC (51 foiz) va Barclays Bank (49 foiz) hamkorlikda Cairo Barclays International Bankni tashkil etdi.
- 1977-yil — BC Banque Nationale de Paris bilan hamkorlikda Banque du Caire et de Paris bankini tashkil etdi. Banque Nationale de Paris CNEPning vorisi edi.
- 1978-yil — BC bir nechta Koreya banklari va boshqa investorlar bilan hamkorlikda Cairo Far East Bankni taʼsis etdi. Korean Exchange Bank 32 foiz ulush bilan eng yirik aksiyadorga aylandi, boshqa Koreya banklari esa jami 17 foiz ulushga ega boʻldi. BC ulushi 19 foizni tashkil etdi.
- 1970-yillar — BC Bahraynning Manama shahrida bitta hamda Birlashgan Arab Amirliklarining Abu-Dabi, Dubay, Sharja va Ras al-Xayma shaharlarida toʻrtta filial ochdi.
- 1983-yil — Cairo Barclays International Bank oʻz nomini Banque du Caire Barclays Internationalga oʻzgartirdi.
- 1988-yil — Yuqori rahbariyat tomonidan qimmatbaho metallar bilan ruxsatsiz chayqovchilik operatsiyalari oʻtkazilgani va boshqa qiyinchiliklar ortidan Saudi Cairo Bankni qayta kapitallashtirish zarurati tugʻildi. Natijada BCning ulushi 20 foizgacha tushib ketdi.
- 1995-yil — BC Bank of Alexandria, Misr Milliy banki, Banque Misr va Kato Aromatics bilan birgalikda Cairo Bank Ugandaga asos soldi.
- 1997-yil — Saudi Cairo Bank United Saudi Commercial Bank bilan birlashib, United Saudi Bankni tashkil etdi. BCning ulushi 9,8 foizgacha kamaydi.
- 1999-yil — Banque du Caire et de Paris aksiyalarining 76 foizi BNPga, 22 foizi esa BCga tegishli boʻlib qoldi. United Saudi Bank Saudi American Bank tarkibiga qoʻshildi. BC Ukrainaning Kiyev va Zimbabvening Xarare shaharlarida vakolatxonalarini ochdi. Barclays Banque du Caireʼdan qoʻshimcha 11 foiz aksiya sotib olib, Banque du Caire Barclays Internationaldagi ulushini 60 foizga yetkazdi.
- 2000-yil — Barclays Banque du Caireʼning Banque du Caire Barclays Internationaldagi ulushini toʻliq sotib oldi.
- 2007-yil — BC Iordaniyadagi Cairo Amman Bank aksiyalarining deyarli barchasini sotdi va uning ulushini Banque Misr sotib oldi.
- 2009-yil — BDCning beshta aksiyasi Misr Investment Company kompaniyasiga, yana beshtasi esa Egypt-Abu Dhabi Real Estate Investment Company kompaniyasiga sotildi.
- 2010-yil — Banque Misrga tegishli barcha aksiyalar Misr Investment Company ixtiyoriga oʻtkazildi.
- 2018-yil — Cairo Leasing Corporation (CLC) nomi ostida yangi lizing biznesi yoʻlga qoʻyildi[7].
- 2019-yil — Birlashgan Arab Amirliklari Markaziy banki BAAda BC vakolatxonasini ochishni maʼqulladi[8].
- 2024-yil sentyabr — Hukumat Misr fond birjasi orqali Banque du Caire, Arab African International Bank va Alexbank kabi 32 ta kompaniyadagi oʻz ulushini sotish niyatida ekanini eʼlon qildi[9][10].
Xalqaro faoliyati
Manbalar
- ↑ „Banque du Caire History“ (en). www.bdc.com.eg. 2025-yil 14-noyabrda asl nusxadan arxivlangan. Qaraldi: 2025-yil 30-dekabr.
- ↑ 2,0 2,1 Banque du Caire. „Annual Report 2020“.
- ↑ „Banque du Caire: A Comprehensive Overview of One of Egypt's Leading Financial Institutions - The Official Egyptian Real Estate Platform Blog“ (en-US) (2024-yil 27-noyabr). Qaraldi: 2025-yil 30-dekabr.
- ↑ „Largest And Global Sovereign Wealth Fund Institute | SWFI“. www.swfinstitute.org. Qaraldi: 2025-yil 30-dekabr.
- ↑ Banque du Caireʼs Financial Statements 2005 (Wayback Machine saytida October 23, 2006, sanasida arxivlangan)
- ↑ „Banque du Caire“. 2006-yil 23-oktyabrda asl nusxadan arxivlangan.
- ↑ Mounir, Hossam „CBE approves establishment of Banque du Caire’s leasing company with EGP 100m paid-up capital“ (en-US). Dailynews Egypt (2018-yil 10-fevral).
- ↑ Mounir, Hossam „Banque du Caire opens regional office in UAE for Gulf customers“ (en-US). Dailynews Egypt (2019-yil 13-mart).
- ↑ „Egypt to sell United Bank stake in IPO on local bourse“ (en). Gulf Business.
- ↑ „Egypt's United Bank to list on Cairo stock exchange on Oct. 24“. Reuters (2024-yil 23-oktyabr).