Ziyosfera

Botir Qorayev

(Botir Qoraevdan yoʻnaltirildi)

Википедияда исми Ботир ва фамилияси Қораев бўлган бошқа кишилар ҳақида ҳам мақолалар мавжуд.

Ботир Қораев (1980-йил 8-апрелда туғилган) – ўзбекистонлик собиқ профессионал футболчи. Ўзбекистон миллий терма жамоаси таркибида 2007-йилги Осиё кубоги иштирокчиси. Ҳозир Насаф клубининг спорт директори ва У21 жамоасида бош мураббий.

Ботир Қораэв
Шахсий маълумот
Таваллуд санаси 1980-йил 8-апрел (1980-04-08) (46 ёш)
Таваллуд жойи Қашқадарё вилояти,
Ўз ССР, УССР
Бўйи 176 м (577 фт 5 ин)
Амплуаси Ҳимоячи
Профессионал фаолияти*
Йиллар Жамоа Ишт. (Гол.)
1999—2005 Насаф 159 (9)
2006—2008 Машъал 54 (1)
2008—2015 Насаф 187 (1)
2015—2017 Шўртан 29 (1)
2017 Машъал 25 (1)
Миллий терма жамоа
2007—2010 Ўзбекистон 7 (1)
*Профессионал клублардаги голлари (ички чемпионат)

Футболчилик фаолияти

Ботир 1999-йилда Қаршининг „Насаф“ жамоасида ўйнаб, Ўзбекистон олий лигасида дебют қилган. У Насаф жамоасида етти йил тўп сурган ва уч марта мамлакат чемпионатининг бронза медали совриндори бўлган.

2006-йилда қўшни Муборак шаҳрининг „Машъал“ жамоасига кўчиб ўтган ва бу жамоада икки мавсум давомида тўп сурган, 2007-йилда бронза медалларини қўлга киритган.

2008-йилги мавсум бошланишидан олдин „Насаф“ жамоасига қайтган ва клубнинг асосий ҳимоячиси бўлган. Кейинги йилларда у яна тўрт марта Насаф жамоаси билан Ўзбекистон чемпионатининг бронза медали совриндори бўлган, бир марта кумуш медални қўлга киритган. 2011-йилги мавсумда эса Осиёдаги иккинчи муҳим клублар турнири ҳисобланган ОФК кубогида ғолиб чиқган. Умумий ҳисобда „Насаф“ жамоаси таркибида миллий чемпионатларда 300 дан ортиқ ўйин ўтказган.

2015-йилги мавсум олдидан Насаф билан хайрлашган Ботир Ғзуорнинг „Шўртан“ жамоаси сафига бориб қўшилган. У Ғузорликлар сафида 2 мавсум давомида тўп сурди[1]. 2017-йилги мавсум олдидан собиқ жамоаси Муборакнинг „Машъал“ Жамоаси катта қизиқиш билдирди ва мавсумни Муборакликлар сафида ўтказган. Мавсум якунида фаолиятини якунлаган[2].

Миллий жамоадаги фаолияти

У 2007-йилда Ўзбекистон терма жамоасида дебют қилган. Ботир мураббий Рауф Инилеев томонидан 2007-йилги Осиё Кубогида иштирок этадиган футболчилар таркибига киритилган. Қораев тунир иштирокчилар сафида бўлганига қарамай турнир давомида майдонга тушмаган. У халқаро майдондаги дебютини 2007-йил 24-март куни Хитой Тайпейи – Ўзбекистон (0:1) ўйинида ўтказган. Миллий терма жамоадаги илк голини 2007-йилнинг 27-март куни Хитой – Ўзбекистон ўртоқлик учрашувида (3:1) киритган.

Уч йиллик танаффусдан сўнг 2010-йилда терма жамоага чақирилди, 2010-йил 25 май куни Арманистонга қарши ўйинда иштирок этган, бу ўйин Қораэв учун терма жамоадаги охиргиси бўлди. У терма жамоа либосида жами 7 та ўйинда майдонга тушди ва 1 та гол киритган[3].

Мураббийлик фаолияти

2017-йилги мавсум сўнггида Муборакликлар сафида фаолиятига якун ясаган Ботир Қораэв, айнан „Машъал“ жамоаси сафида ўз мураббийлик фаолиятини бошлаган[4]. 2018—2020-йилги мавсумлар давомида бош мураббий ёрдачиси вазифасини бажарган. 2021-йилги мавсум собиқ жамоаси Қаршининг „Насаф“ жамоаси спорт директори сифатида тайинланган[5].

Ютуқлар

  • АФC Кубоги соҳиби: 2011-йил
  • Ўзбекистон чемпионати кумуш медали совриндори: 2011-йил
  • Ўзбекистон чемпионати бронза медали совриндори (8): 2000, 2001, 2005, 2007, 2009, 2010, 2013, 2014

Манбалар

  1. ↑ „Ботир Қораев "Шўртан"га қайтди“. 2022-йил 20-сентябрда асл нусхадан архивланган. Қаралди: 2022-йил 20-сентябр.
  2. ↑ „Бутсаларини михга илганлар“. 2022-йил 20-сентябрда асл нусхадан архивланган. Қаралди: 2022-йил 20-сентябр.
  3. ↑ „Протокол матча Армения-Узбекистан“. 2014-йил 12-августда асл нусхадан архивланган. Қаралди: 2014-йил 11-август.
  4. ↑ „Ботир Қораев "Машъал" мураббийлар штабида иш бошлади“. 2022-йил 20-сентябрда асл нусхадан архивланган. Қаралди: 2022-йил 20-сентябр.
  5. ↑ „"Насаф" клубига янги спорт директори тайинланди“. 2022-йил 20-сентябрда асл нусхадан архивланган. Қаралди: 2022-йил 20-сентябр.

Ҳаволалар

"https://new.ziyosfera.uz/ziyo/Botir_Qorayev" dan olindi