Daimler-Benz sahifasining manbasini koʻrish

'''Daimler-Benz''' – yetakchi [[nemis]] avtomobil [[konsern]]i. 1926-yilda ''Gottlib Daymler'' va ''[[Karl Benz|Karl Bens]]'' tomonidan [[Germaniya]]ning [[Shtutgart]] shahrida tashkil etilgan. Asosan yengil va yuk avtomobillari, ogʻir yuk tortuvchi tyagachlar, kichik va katta yoʻlovchi avtobuslar, mikroelektronika, aviaapparatlar, aviadvigatellar va b. ishlab chiqaradi. Mersedes-Bens AG (yengil va yuk avtomobillari ishlab chiqarish, savdo va avtoservis), Daymler-Bens Industri — "AYEG" (mikroelektronika, dizel kuch agregatlari, avtomatlashtirish uchun texnika, telemexanika vositalari va b.), Daymler-Bens Aerospeys — "Daza" AG (aviatsiya, kosmonavtika, harbiy va fuqaro sunʼiy yoʻldoshlari tizimi va b.) va Daymler-Bens Inter Servis — "Debis" (moliyaviy xizmatlar koʻrsatish, sugurta, marketing xizmati, kommunikatsiya va aloqa xizmati, xalqaro savdo, koʻchmas mulk menejmenti) kompaniyalari konsern tarkibiga kiradi. [[Braziliya]], [[Argentina]], [[AQSH]], [[Xitoy]], [[Turkiya]], [[Ispaniya]], [[Italiya]] singari dunyoning 23 davlatida oʻz korxonalariga ega.

1993-yil "Mersedes-Bens AG" kompaniyasi bilan hamkorlikda Oʻzbekistonda yuk avtomobillari ishlab chikaradigan "Xorazm ishlab chiqarish birlashmasi" qoʻshma korxonasi tashkil etildi. 1996-yil Toshkent sh.da "D.-B.AG"ning Mar-kaziy Osiyo boʻyicha vakolatxonasi ochildi. 1998-yil "D.-B.AG" Amerikaning gigant korporatsiyasi "Kraysler" bilan qoʻshilishi natijasida dunyo avtomobilsozligida yetakchi kompaniya "Daymler-Kreysler" tashkil etildi. Yillik savdo oboroti 124 mlrd. nemis markasi. "D.-B.AG"ning dunyo boʻyicha korxonalarida 300 mingdan oshiq ishchi-xizmatchi ishlaydi (1998).

Hamid Azizqoriyev.

== Adabiyot ==
* [[OʻzME]]. Birinchi jild. Toshkent, 2000-yil


{{chala}}