Darul Hadis Latifiah
Darul Hadis Latifiya (arabcha: دار الحديث لطيفية), ilgari Madrasa Darul Qiroat Majidiya (arabcha: المدرسة دار القراءات المجيدية) nomi bilan tanilgan, Angliyaning London shahridagi Bethnal Green tumanida joylashgan 11-20 yoshdagi oʻgʻil bolalar uchun moʻljallangan islomiy xususiy maktab va oltinchi shakl (sixth form) muassasasidir. 1999-yilda oʻrta maktab maqomini olgan[1]. Madrasaga 1978-yilda Abdulatif Chovdhuriy Fultaliy (Fultaliy Sohib) rahbarligida ota-onalar va mahalla yetakchilari tomonidan asos solingan.
Tarixi
Madrasa Darul Qiroat Majidiya 1978-yilda Abdulatif Chovdhuriy Fultaliy rahbarligida tashkil etilgan boʻlib, u madrasani otasi Shah Abdulmajid Chovdhuriy sharafiga nomlagan[2][1]. Dastlabki darslar Londonning New Road koʻchasidagi ijaraga olingan binoda olib borilgan. Mahalliy jamoat yetakchilari xayriya hisobidan 1981-yilda 46-48 Cannon Street Road, London, E1 0BH manzilidagi binoni sotib olishgan. Hozirgi bino (1 Cornwall Avenue, London, E2 0HW) 2005-yilda sotib olingan.
Dastlab madrasada asosan bengal tili va Qurʼon fanlari oʻrgatilgan, oʻrtacha 200 ga yaqin, 5-16 yoshdagi oʻquvchilar taʼlim olgan. Darslar hafta ichi soat 17:00-19:00, dam olish kunlari esa 10:00-13:00 oraligʻida boʻlgan[3].
1998-yilda muassasa asoschisi sharafiga Darul Hadis Latifiah deb nomlangan va keyinchalik oʻrta maktab va kollejga aylantirilgan. Bu yerda oʻquvchilar Angliyaning Milliy taʼlim dasturi boʻyicha toʻliq oʻrta taʼlim olishlari bilan birga islomshunoslik, bengal tili va urdu tili fanlarini ham oʻrganadilar[3].
Manbalar
- ↑ 1,0 1,1 „Find an inspection report and registered childcare“. reports.ofsted.gov.uk (2021-yil 14-oktyabr).
- ↑ „About our School“. /www.darulhadis.org. Qaraldi: 2023-yil 27-iyul.
- ↑ 3,0 3,1 „History“. Latifiah Girls School. 2013-yil 4-iyulda asl nusxadan arxivlangan. Qaraldi: 2013-yil 30-aprel.