Debit

Дебит (франсузча: „дебит“ — ўтказмоқ) — бурғилаш қудуқлари, булоқлар ва конлардан маълум вақт бирлигида чиқадиган суюқлик (минерал сув, нефт ва ҳоказо) ёки газ ҳажми. Суюклик учун дебит секундига литр (оний дебит) ёки секундига (соатига, суткасига) куб метр (йиғинди дебит)ларда ўлчанади. Дарёнинг кўндаланг кесим юзи орқали вақт бирлигида оқиб ўтадиган сув ҳажмига сув сарфи деб аталади. Суюқлик учун дебит сув ўлчагичлар ёрдамида аниқланади. Газ суткасига куб метр билан ўлчанади ва анемометр билан аниқланади. Суюқликлар дебитини ўлчаш учун Вентури типидаги сув ўлчагич қўлланади. Сув ҳавзаси тубида ажраладиган газдан намуна олишнинг энг оддий усулида дебит маълум ҳажмли идишнинг тўлиш вақтига қараб аниқланади.

Адабиёт

• ЎзМЕ. Биринчи жилд. Тошкент, 2000-йил