Eliso Virsaladze
Eliso Virsaladze (gruzincha: ელისო ვირსალაძე; 1942-yil 14-sentyabr) – gruziyalik pianist.
Eliso Virsaladze | |
|---|---|
 | |
| Tavalludi |
1942-yil 14-sentyabr |
| Kasbi | pianist |
| Veb-sayt | https://elisovirsaladze.com |
Biografiyasi
Eliso Virsaladze 1942-yil 14-sentyabrda sobiq Gruziya Sovet Sotsialistik Respublikasining Tbilisi shahrida dunyoga kelgan. Otasi Konstantin Virsaladze ham, bobosi Spiridon Virsaladze ham taniqli shifokor va olim boʻlgan. Fortepiano chalish boʻyicha ilk saboqlarini 9 yoshida Gruziyaning mashhur pianinochisi va professori boʻlgan buvisi Anastasia Virsaladzedan olgan. 9 yoshidan boshlab mashhur pedagog Henrich Neuhausdan ham taʼlim ola boshlagan va bu darslar Neygauzning vafotiga qadar davom etgan. Virsaladze dastlab Tbilisi davlat konservatoriyasi (Anastasia Virsaladzening sinfi)ni tamomlagan, soʻngra Moskva konservatoriyasida Yakov Zak rahbarligida aspiranturada tahsil olgan.
Virsaladze 1962-yilda Moskvada boʻlib oʻtgan Chaykovskiy nomidagi xalqaro tanlovda 3-oʻrinni, 1966-yilda Germaniyaning Zwickau shahrida oʻtkazilgan Robert Schumann nomidagi xalqaro tanlovda 1-oʻrinni qoʻlga kiritgan.
Svyatoslav Rixter Virsaladzeni oʻz davrining eng yaxshi ayol pianisti, shuningdek, Schumann asarlarini eng yaxshi talqin qiluvchi ijrochi deb hisoblagan.
Buyuk pianist sifatida eʼtirof etilgan[1] Virsaladze 1967-yildan Moskva konservatoriyasida (1993-yilda professor unvonini olgan) taʼlim bergan[2]. Keyinchalik 1995–2011-yillar davomida esa Germaniyaning Myunxen musiqa va sahna sanʼati universitetida dars bergan. 2010-yildan boshlab esa Italiyaning Florensiya shahrida joylashgan Scuola di Musica di Fiesole musiqa maktabida dars beradi[3]. Bundan tashqari, butun dunyo boʻylab muntazam ravishda master-klasslar oʻtkazib keladi.
Virsaladzening eng taniqli talabalari orasida B. Berezovsky, A. Volodin, A. Zuev, J. H. J. H. Park, T. Yang, D. Shishkin kabi mashhur kishilar bor.
1975-yildan buyon Virsaladze koʻplab mashhur xalqaro tanlovlarda hakam sifatida faoliyat yuritib kelmoqda. Malika Elizabeth nomidagi musiqiy tanlov, Artur Rubinstein nomidagi xalqaro pianino tanlovi, R. Schumann nomidagi xalqaro tanlov, Géza Anda nomidagi xalqaro pianino tanlovi, Chaykovskiy nomidagi xalqaro tanlov, Paloma OʻShea Santander nomidagi xalqaro pianino tanlovi, Tbilisi xalqaro pianino tanlovi va boshqa koʻplab musiqiy tanlovlar shular jumlasidandir.
Eliso Virsaladze gruzin, ingliz, nemis, fransuz, italyan, ispan, rus va polyak tillarida soʻzlasha oladi[citation needed].
Manbalar
- ↑ 88 notes pour piano solo, Jean-Pierre Thiollet, Neva Editions, 2015, p. 51. ISBN 978-2-3505-5192-0
- ↑ „персоналии – Вирсаладзе Элисо Константиновна“. www.mosconsv.ru. Qaraldi: 2022-yil 6-aprel.
- ↑ „Tokyo College of Music“. Qaraldi: 2024-yil 24-mart.