Euro-Asia Air
Euro-Asia Air — Qozogʻistonning Atirau shahrida joylashgan aviakompaniya. U asosan Rossiya, Birlashgan Arab Amirliklari, Turkiya hamda Osiyodagi respublikalarga charter yoʻlovchi reyslarini amalga oshiradi. Aviakompaniyaning asosiy bazasi Atirau aeroporti hisoblanadi[1].
Tarixi
Aviakompaniya oʻz faoliyatini 1997-yil may oyida boshlagan[1]. 2000-yil noyabr oyida Atyrau Airways va Atirau aeroporti Euro-Asia Air mulkiga oʻtkazilgan[2]. Hozirda aviakompaniya toʻliq KazMunayGas tasarrufida boʻlib, 2017-yil mart holatiga koʻra unda 412 nafar xodim faoliyat yuritgan[1].
Kompaniyaning asosiy faoliyati yuridik va jismoniy shaxslarga havo transporti xizmatlarini koʻrsatishdan iborat. Shuningdek, foydali qazilma konlarini oʻzlashtirish jarayonida, neft va gaz quvurlari hamda elektr uzatish tarmoqlariga xizmat koʻrsatishda parvozlarni amalga oshiradi. „Euro-Asia Air“ vertolyotlar ekspluatatsiyasi va yoʻlovchi tashishga ixtisoslashgan Qozogʻistonning eng yirik aviakompaniyalaridan biridir. Kompaniya xalqaro xavfsizlik standartlariga muvofiq faoliyat yuritadi. Uning aviaparki Rossiya va Gʻarbda ishlab chiqarilgan vertolyotlar hamda zamonaviy bort uskunalari bilan jihozlangan yoʻlovchi samolyotlaridan iborat.
Aviakompaniya aviaparki 19 ta havo kemasini oʻz ichiga oladi, jumladan:
- 11 ta Mi-8T vertolyoti (Rossiya);
- 2 ta AS365N3 vertolyoti (Fransiya);
- 2 ta Challenger 850 va Challenger 870 samolyoti (Kanada);
- 4 ta AgustaWestland AW139 vertolyoti (Italiya)[3].
Aviaparki
Hozirgi aviaparki
Euro-Asia Air aviaparki 2019-yil avgust holatiga koʻra quyidagi havo kemalaridan iborat[4]:
| Havo kemasi | Ekspluatatsiyada | Buyurtma qilingan | Yoʻlovchi sigʻimi | Izohlar |
|---|---|---|---|---|
| Bombardier CRJ700 | 1 | 0 | 70 |
Sobiq aviaparki
2012-yil noyabr holatiga koʻra aviakompaniya aviaparki quyidagi havo kemalaridan iborat boʻlgan:
| Havo kemasi | Ekspluatatsiyada | Buyurtma qilingan | Yoʻlovchi sigʻimi | Izohlar |
|---|---|---|---|---|
| Bombardier CRJ700 | 1 | 0 | 70 | |
| Bombardier Challenger 850 | 1 | 0 | Maʼlumot mavjud emas | |
| AgustaWestland AW139 | 4 | 0 | 12 | |
| Mil Mi-8 | 11 | 0 | Maʼlumot mavjud emas | |
| Eurocopter AS365 | 2 | 0 | Maʼlumot mavjud emas |
Manbalar
- ↑ 1,0 1,1 1,2 Directory: World Airlines. Flight International (2007-yil 3-aprel), s. 78.
- ↑ Directory: World Airlines. Flight International (2007-yil 27-mart), s. 52.
- ↑ „Archived copy“. 2012-yil 11-mayda asl nusxadan arxivlangan. Qaraldi: 2012-yil 6-oktyabr.
- ↑ "Global Airline Guide 2019 (Part One)". Airliner World (October 2019): 18.