Evpatriylar

Evpatriylar, yevpatriylar (yunoncha: — moʻʼtabar otalar) — Afinada zodagon yer egalari. Rivoyatlarga koʻra, Tesey davrida (miloddan avvalgi taxminan XIII asr) tashkil topgan erkin aholining 3 tabaqasidan biri (geomorlar — mayda yer egalari va demiurglar — hunarmandlar qatori). Miloddan avvalgi 8 — VI asrlarda E. ijtimoiymulkiy tabaqalanish jarayonida eng yaxshi yerlarga ega boʻlib olishgan. Ularning yerlarida ishlovchi chorakorlarga hosilning 5/6 qismini berishgan, siyosiy hokimiyat ham ular qoʻlida toʻplangan (faqat E.gina arxontp mansabiga saylanib areopag aʼzosi boʻlishi mumkin edi). Qonun chiqaruvchilar Solon (miloddan avvalgi 594—93 ylar) va Klisfen (miloddan avvalgi VI asr oxiri)ning demokratik islohotlari tufayli oʻz imtiyozlaridan mahrum boʻlishgan.