Fly on the Wings of Love sahifasining manbasini koʻrish

{{Qoʻshiq bilgiqutisi
| nomi           = Fly on the Wings of Love
| versiya        = 
| muqova         = 
| turi           = singl
| artist         = [[Olsen Brothers]]
| albom          = Wings of Love
| a-tomon        = 
| b-tomon        = 
| chiqarilgan    = 2000-yil
| format         = 
| yozilgan       = 
| studiya        = 
| janr           = [[Pop rock]]<ref name= "Petridis 2023">{{cite web|first= Alexis|last= Petridis|title= All 69 Eurovision song contest winners – ranked!|website= [[The Guardian]]|date= 11 May 2023|url= https://www.theguardian.com/music/2023/may/11/all-69-eurovision-song-contest-winners-ranked|accessdate= 15 September 2024|archive-date= 22 May 2023|archive-url= https://web.archive.org/web/20230522001411/https://www.theguardian.com/music/2023/may/11/all-69-eurovision-song-contest-winners-ranked|url-status= live}}</ref>
| davomiyligi    = 3:05
| leybl          =
| muallif        =
| prodyuser      =
| prev_title     = This Time I Mean It
| prev_year      =
| next_title     = Never Ever Let You Go
| next_year      =
| tracks         =
| yana           =
{{External music video|header=Official performance video|{{YouTube|JF8fkHK0AWs|"Fly on the Wings of Love"}}}}
}}
'''„Fly on the Wings of Love“''' — [[Daniya]]ning „Olsen Brothers“ (Yorgen va Nils Olsen) pop-rok dueti ijrosidagi qoʻshiq boʻlib, uning matni va musiqasi Yorgen Olsen tomonidan yaratilgan. Tarona Stokgolmda boʻlib oʻtgan Eurovision 2000 tanlovida Daniya sharafini himoya qildi va mamlakatga musobaqadagi ikkinchi gʻalabasini taqdim etdi. Bu qoʻshiq xalqaro miqyosda xitga aylandi, ayniqsa, [[Shvetsiya]] xit-paradlarida peshqadamlikni qoʻlga kiritib, birinchi oʻringacha koʻtarildi. Qoʻshiqning Daniya tilidagi asl nusxasi — „Smuk som et stjerneskud“ ijrochilarning ona vatani Daniya xit-paradlarida birinchi oʻrinni egallagan.

== Tarixi ==
=== Yaratilish tarixi ===
„Fly on the Wings of Love“ taronasining soʻzi va musiqasi Jørgen Olsen tomonidan yozilgan. Mazkur sevgi [[ballada]]sida ijrochilar ayol goʻzalligini tarannum etadilar. Odatdagi pop qoʻshiqlaridan farqli oʻlaroq, ushbu tarona matnida ayol goʻzalligining yillar oʻtishi bilan yanada ochilishi alohida taʼkidlanadi. Bu mavzu asarning Daniya tilidagi „Smuk som et stjerneskud“ nomli asl nusxasida yanada yaqqolroq ifodalangan. [[Olsen Brothers]] ushbu taronani daniya, ingliz hamda „Weil nur die Liebe zählt“ nomi bilan nemis tillarida ijro etgan<ref>{{cite web|url=http://www.diggiloo.net/?2000dk|title=Denmark 2000 - "Fly on the Wings of Love"|website=The Diggiloo Thrush|access-date=8 April 2007|archive-date=19 April 2023|archive-url=https://web.archive.org/web/20230419144513/http://diggiloo.net/?2000dk|url-status=live}}</ref>.

== Eurovision ==
2000-yil 19-fevralda Olsen Brothers guruhi „Smuk som et stjerneskud“ taronasi bilan Daniyaning „Dansk Melodi Grand Prix“ milliy tanlovining 31-mavsumida ishtirok etgan va musobaqa gʻolibiga aylangan. Mazkur festival Daniya radioeshittirish korporatsiyasi (DR) tomonidan Eurovision qoʻshiq tanlovining 45-mavsumiga vakil tanlash vazifasini bajargani sababli, ushbu tarona va Olsen Brothers guruhi tanlovda Daniya nomidan ishtirok etish huquqini qoʻlga kiritdi<ref>{{cite web |title=Denmark: Melodi Grand Prix 2000|url=https://eurovisionworld.com/national/denmark/melodi-grand-prix-2000|website=Eurovisionworld}}</ref>.

2000-yil 13-may kuni Stokgolmdagi „Globe Arena“ majmuasida Eurovision qoʻshiq tanlovi boʻlib oʻtdi. Shvetsiyaning SVT telekanali mezbonlik qilgan ushbu tanlov butun qitʼa boʻylab jonli efirda namoyish etildi. Eurovision finalida Olsen Brothers guruhi oʻzining „Fly on the Wings of Love“ taronasini oʻn toʻrtinchi raqam ostida ijro etdi. Guruh sahnaga [[Ispaniya]] vakili [[Serafín Zubiri]]ning „Colgado de un sueño“ qoʻshigʻidan keyin va [[Germaniya]] vakili [[Stefan Raab]]ning „Wadde hadde dudde da?“ taronasidan oldin chiqdi<ref>{{Cite episode|title=Eurovision Song Contest 2000|episode-link=Eurovision Song Contest 2000|series=Eurovision Song Contest|series-link=Eurovision Song Contest|network=[[Sveriges Television|SVT]] / [[EBU]]|date=13 May 2000}}</ref>.

Ovoz berish yakunlariga koʻra, ushbu tarona 195 ball jamgʻargan holda yigirma toʻrtta ishtirokchi orasida birinchi oʻrinni egalladi va tanlov gʻolibiga aylandi<ref>{{cite web|url=https://eurovision.tv/event/Stockholm-2000/final|title=Official Eurovision Song Contest 2000 scoreboard|website=[[Eurovision Song Contest]]|access-date=13 May 2024|archive-date=10 April 2021|archive-url=https://web.archive.org/web/20210410194017/https://eurovision.tv/event/stockholm-2000/final|url-status=live}}</ref>. Qoʻshiq eski uslubdagi ballada boʻlgani hamda tanlov tarixidagi eng yoshi katta ijrochilar tomonidan ijro etilgani sababli, uning yuqori ball olishi kutilmagan edi. Shunga qaramay, qoʻshiq ovoz berish jarayonining boshidan oxirigacha yetakchilikni qoʻldan boy bermadi. Bunday natijaga tanlovda oxirgi marta 1974-yilda ABBA guruhi erishgan edi. Shuningdek, mazkur tarona tanlov muxlislarining eng sevimli qoʻshiqlaridan biriga aylandi.

== Manbalar ==
{{manbalar}}

[[Turkum:Eurovision qoʻshiq tanlovi]]
[[Turkum:Qoʻshiqlar]]