Fotima va Zuhra sahifasining manbasini koʻrish

{{Kitob bilgiqutisi|Nomi=Fotima va Zuhra|muallif=O'lmas Umarbekov|Janr=detektiv|Til=o'zbekcha|Nashr qilingan yili=1994}}
'''Fotima va Zuhra''' — yozuvchi [[Oʻlmas Umarbekov]] tomonidan yozilib, 1994-yilda nashr etilgan detektiv yoʻnalishdagi roman<ref name=":0">{{Veb manbasi|url=https://ziyouz.uz/ozbek-nasri/olmas-umarbekov/lmas-umarbekov-fotima-va-zu-ra-roman/|sarlavha=O‘lmas Umarbekov. Fotima va Zuhra (roman)|sana=05.01.2014|qaralgan sana=23-noyabr 2022-yil|muallif=ziyouz.uz}}</ref>. Asar qahramonlari „Shifokor“ jamoa xoʻjaligi raisi Sultonov, Abdulla, Hamidulla, Fotima, Zuhra va boshqalar. Asarda mustaqillik davrigacha boʻlgan davrdagi ijtimoiy vaziyat, mafiyaning avj olayotgani va ularni qoʻllab-quvvatlayotgan rahbarlar mavzusi bir oilaning parokanda boʻlib ketishi fonida aks ettiriladi<ref name=":0" />. Asarning oʻtkir sujeti, realligi kitobxonning asarga nisbatan qiziqishi va tushunishini osonlashtiradi. Asar bosh qahramonlaridan biri Zuhra oilasi uchun qasos olish niyatida dadil harakat qiladigan matonatli qiz sifatida gavdalantirilgan. Qahramonlardan biri mayor Qodirjon Aliyev esa davlat va qonun himoyachisi sifatida oʻziga berilgan topshiriqni vijdonan bajaradi. Hatto oila aʼzolarini xavfga qoʻyib, Sultonovning qilmishlarini tagiga yetadi. Yozuvchi ikki qahramon: Sultonov va Aliyev orqali yaxshilik va yomonlik, nafs va vijdon, halollik va nopoklik kabi bir-biriga qarama — qarshi tuygʻular konfliktini namoyon qiladi. Bundan tashqari, „Fotima va Zuhra“ romani oʻz davrining dolzarb ijtimoiy muammolari ham ochiqchasiga yoritilgan. Ayni shu jihat asarning qiziqarliligi va oʻqishliligini oshirgan.

== Film ==
Asar asosida 2005-yilda kinofilm suratga olingan<ref>{{Veb manbasi|url=https://www.youtube.com/watch?v=AiL3vxPhy2E|sarlavha=Fotima va Zuhra (film) {{!}} Fotima va Zuxra (film) 2005|qaralgan sana=23-noyabr 2022-yil|til=oʻzbek|muallif=Tarona TV}}</ref>. Film ssenariysini „Fotima va Zuhra“ motivlariga asoslangan holda [[Bahrom Yoqubov]] hamda Ulugʻbek Zufarovlar yozgan<ref name=":1">{{Veb manbasi|url=http://www.shou-biznes.narod.ru/fotimavazuxra.html|sarlavha=Fotima va Zuxra|qaralgan sana=23-noyabr 2022-yil}}</ref>. Postanovkachi rejissor — Bahrom Yoqubov, prodyuser — Avaz Tojixonov. Filmdagi Fotima rolini aktrisa [[Gulchehra Eshonqulova]], Zuhra rolini esa aktrisa va qoʻshiqchi [[Shahzoda (qoʻshiqchi)|Shahzoda]] ijro etgan<ref name=":1" />. Filmda yana mashhur oʻzbek aktyor va aktrisalaridan Ubaydulla Omon, Raʼno Zokirova, [[Ulugʻbek Qodirov]], [[Lutfulla Saʼdullayev]]l<nowiki/>ar rol ijro etgan.

== Manbalar ==
<references />

{{Turkumsiz|date=Aprel 2024}}