Fridrix Sander

Фридрих Артурович Сандер (1887.11.78, Рига - 1933.28.3, Кисловодск) — олим ва ихтирочи, ракета техникаси яратувчиларидан бири. Рига политехника интини тугатгач (1914), Рига ва Москвадаги саноат корхоналарида ишлаган (1920-йилгача). Реактив ҳаракат муаммолари билан 1908-йилдан шуғуллана бошлаган. 1921-йилда сайёралараро кема-аэроплан лойиҳасини эълон қилган, 1924-йилда самолёт ва ракетани ўз ичига олган космик учиш аппарата (КУА) ни яратган; парвоз пайтида қўшимча ёнилғи сифатида КУАнинг иш бажариб бўлган қисмларини ёкиш ғоясини илгари сурган. 1930—31 йилда тортиш кучи 1,42 Н га тенг бўлган, сиқилган ҳаво ва бензиндан иборат ёнилгида ишлайдиган ОР-1 реактив двигателини, 1931—32 йилларда суюқ ёнилғида ишлайдиган ОР-2 ракета двигатели ўрнатилган двигател курилмасини ясади ва синаб кўрди. С. "10 двигатели" ва "ГИРД-Х" ракетаси лойиҳасини ишлаб чиқди. Ойнинг тескари томонидаги кратер С. номи билан аталган.