Funassi
Фунасси (японча: ふなっしー) ― Фунабаши шаҳрининг норасмий туморидир, Нок руҳи (Наши) ёки нок элфини ифодаловчи актёр ва қўшиқчи кўринишида. Нок руҳи ва костюм ичидаги одам бир яхлит „артист“ бўлади.
2011-йил ноябр ойида Фунабаши[1] (Чиба префектураси) шаҳри фуқароси томонидан ўз шаҳрининг рамзи сифатида ихтиро қилинган. Режалаштирилганидек, тумор Фунабаши билан машҳур бўлган наши — нокни ифодалайди. Аммо шаҳар ҳокимияти бундай қаҳрамонни қабул қилишдан бош тортади. Кейин фуқаро костюм тикди ва уни шаҳардаги турли ярмарка ва байрамларда кийишни бошлади, бундан ташқари у Фунасси блогини юрита бошлади. 2013-йил феврал ойида унинг иши ниҳоят кўзга ташланади: Фунасси рекламада рол ўйнайди, шундан сўнг у дарҳол машҳур бўлиб кетади[2].
Ҳозирда (2015) Фунасси Япония телевидениесидаги 1-рақамли супер юлдуз маскотидир (маскот — персонаж-тумор). У хорижда ҳам машҳурлик касб этмоқда: Тайван, Гонконг, Буюк Британия ва Лондонда Фунасси бренди товарларини сотишдан тушган даромад 2013-йилдаги бир неча юз миллион иендан 2014-йилда 800 миллиард иенагача ўсди. 2015-йил 6-мартда Фунасси шаҳрида „Фунасси Ланд“ дўкони очилди.
Ўзига хос хусусиятлари
Фунаши ҳали на Фунабаши шаҳри, на Чиба префектураси томонидан расмий тумор сифатида тан олинмаган. Бу Фунассига маскотлар учун мисли кўрилмаган ҳаракат эркинлигини берган. Қаҳрамонларнинг асосий вазифаси амалдорларга ўз минтақасини тарғиб қилишда ёрдам беришдир. Улар тез-тез саёҳат қилишга мажбур бўлишади, костюм ичидаги ишчилар доимо ўзгариб туради, шунинг учун маскотларга гапириш тақиқланади. Фунасси гаплашиши, ҳазиллашиши, қўшиқ айтиши ва ҳатто овқатланиши мумкин.
Фунассининг яна бир хусусияти гиперактивликдир: у ҳам баланд, ҳам узун сакрай олади ва одатда бир жойда камдан-кам ўтиради.
У ўз нутқида десу (です) ўрнига насси (なっしー) қўшимчасини ишлатади ва кўпинча, „Ҳаҳҳа!“ (ヒャッハ－) деб хитоб қилади.
Оғир метал ва хард-рок мусиқани ёқтиради. У сотиб олган биринчи диск Деэп Пурпле'с Мачине Ҳеад эди. Севимли қўшиқчиси — Оззи Осборн. Севимли меваси шафтоли.
Бироқ, Фунассининг ўзи у патологик ёлғончи эканлигини ва у айтган ҳамма нарсанинг 27,4 фоизи ёлғон эканлигини таъкидлади. Шунинг учун у томонидан кўрсатилган маълумотларнинг ҳақиқийлигини текширишнинг иложи йўқ.
Келиб чиқиши
Нок Руҳининг туғилган куни 138-йил 4-июл (ҳақиқий исми — Фунадиус ИВ). Ота-оналари оддий нок дарахтлари. Фунассининг 274 та ака-ука ва опа-сингиллари бор, у ўзи энг катталардан тўртинчи ўринда туради. Шунингдек, унинг 56-акаси Фунагоро ҳам маълум.
Костюм ичидаги одам
Фунассининг машҳурлиги ошиб борган сайин ҳар йили яратувчиси шахсига қизиқиш ортиб бормоқда. Бироқ Нок Руҳи қиёфасини сақлаб қолиш учун яратувчининг шахси (костюм ичидаги шахс) махфий тутилади.
Телекўрсатувларнинг бирида Фунасси Ёкосука шаҳри (Канагава префектураси) ҳақида кўп нарсаларни билиши маълум бўлди, шунинг учун ижодкор Ёкосукадан экани ҳақида миш-мишлар тарқалди.
Фунасси савдо белгиси „274ЛАНД“ МЧЖда рўйхатдан ўтган (合同会社274ЛАНД).