Gayane Chiloyan
Гаяне Чилоян (арманча: Գայանե Չիլոյան; 2000-йил 27-сентябр, Ереван шаҳрида туғилган) – арманистонлик спортчи, қисқа масофага югуриш бўйича мутахассис. 2016-йилдан бери Арманистон енгил атлетика жамоасида ўйнаб келмоқда, миллий чемпионатлар ғолиби ва совриндори, бир қанча спринт йўналишлари бўйича амалдаги миллий рекордчи, Рио-де-Жанейродаги Ёзги Олимпия ўйинлари иштирокчиси.
Биографияси
Гаяне Чилоян 2000-йил 27-сентябрда Ереванда туғилган.
10 ёшида енгил атлетика билан шуғуллана бошлаган[1].
Спринт югуриш бўйича ўзининг биринчи жиддий муваффақиятига 2016-йилда 15 ёшида эришган, ўшанда Арташатда бўлиб ўтган Арманистон чемпионатида 100 ва 200 метр масофаларга ўз шахсий рекордларини ўрнатган – мос равишда 11,54 ва 23,16 сонияда бу натижага чиқа олган. Олимпия саралаш стандартини бажариб, Арманистон терма жамоасига қўшилган ва Рио де Жанеирода бўлиб ўтадиган Ёзги Олимпия ўйинларида мамлакат шарафини ҳимоя қилиш ҳуқуқини қўлга киритган, аммо якунда 200 метрга югуриш дастурида дастлабки саралаш босқичидан ўта олмадган[2]. Шу билан бирга, Арманистон тарихидаги Олимпия ўйинларининг энг ёш иштирокчисига айланган[3].
Рио Олимпиадасидан кейин Чилоян яна бир олимпия сиклида Арманистон енгил атлетика жамоаси сафида йирик халқаро мусобақаларда қатнашишда давом этган. Шундай қилиб, 2017-йилда Истанбулдаги мусобақада у ёпиқ иншоотларда 200 метрга югуришда – 24,70 сония билан Арманистон миллий рекордини ўрнатган. Белграддаги ёпиқ иншоотлардаги Европа чемпионатида 60 метр масофага югуришда қатнашган, Европа жамоавий чемпионати учинчи лигасида 200 метрга югуришда бронза медалини қўлга киритган. Найробида бўлиб ўтган ўсмирлар ўртасидаги жаҳон чемпионатида 100 метрга югуриш бўйича ўз натижаси билан эътироф этилган.
2018-йилда Тампере шаҳрида ўтказилган ўсмирлар ўртасидаги жаҳон чемпионатида 200 метр масофага югуришда иштирокчи.
Манбалар
- ↑ „«Дорога к Рио». Легкоатлетка Гаяне Чилоян“. Олимпийский комитет Армении (2016-йил 14-июл). 2020-йил 17-октябрда асл нусхадан архивланган. Қаралди: 2020-йил 14-октябр.
- ↑ Гаяне Чилоян Олймпедиа сайтида
- ↑ Гоар Налбандян. „Гаяне Чилоян: Я не рассчитывала на олимпийскую путевку“. спорт.медиамах.ам (2016-йил 21-июн). 2021-йил 27-августда асл нусхадан архивланган. Қаралди: 2020-йил 14-октябр.