Gregarinalar

Грегариналар (Грегаринина) — споралилар типининг синфи. 500 га яқин тури бор. Турли умуртқасиз ҳайвонларда, асосан бўғимоёқлиларда паразитлик қилади. Узунлиги 10—15 мкм дан 16 мм гача. Танаси чўзиқ, чувалчангсимон; баъзан думалоқ (тана бўшлиғида паразитлик қиладиган Г.). Кўпчилик Г. танасининг олдинги қисми ичак деворига ёпишадиган органоид-эпимерит ҳосил қилади. Танаси пелликула қобиқ билан қопланган, кўпинча кўндаланг тўсиқ билан 2 қисмга: олдинги протомерит ва кейинги дейтомеритга бўлинган. Г. ичак девори ёки тана бўшлиғида, баъзан жинсий безларда паразитлик қилади. Асосан жинсий йўл билан кўпаяди. Кўпчилик Г.да бошқа споралилар учун хос бўлган шизогония (жинссиз кўп марта бўлиниш орқали кўпайиш) кузатилмайди.

Адабиётлар

ЎзМЕ. Биринчи жилд. Тошкент, 2000-йил

Ушбу мақола çаладир. Сиз уни бойитиб, ЗиёСферага ёрдам бериşингиз мумкин.
Бу андозани аниқроғига алмаштириш керак.

Бу мақолада бошқа тил бўлимларига ишорат йўқ.
Сиз уларни топиб ва ушбу мақолага қўшиб, лойиҳага ёрдам беришингиз мумкин.