Hamza bey masjidi
Hamza Bey masjidi (yunoncha: Αλκαζάρ Θεσσαλονίκης, turkcha: Hamza Bey Camii) – Gretsiyaning Markaziy Makedoniya mintaqasidagi Saloniki shahrida joylashgan sobiq masjid[1]. 1460-yilda, Usmoniylar davrida qurilgan masjid 1820-yillarda oʻz holiga tashlab qoʻyilgan. Zamonaviy salonikiliklar uni koʻpincha, bino hududida oʻnlab yillar faoliyat yuritgan kinoteatr nomidan kelib chiqqan holda, Alkazar deb atashadi.
| Masjid | |
Hamza Bey masjidi
Αλκαζάρ Θεσσαλονίκης | |
| Hamza Bey masjidi | |
| Sobiq masjid | |
| Mamlakat |  Gretsiya
|
| Joylashuvi | Saloniki, Markaziy Makedoniya |
| Koordinatalar | 40°38′15″N 22°56′30″E / 40.6375°N 22.9417°E |
| Meʼmoriy uslub | Usmoniylar |
| Asosiy sana: 1460-yil
| |
| Gumbazlar soni | 1 ta |
| Gumbazlar soni | 1 ta |
| Minoralar soni | 1 (vayron qilingan) |
| Minoralar soni | 1 (vayron qilingan) |
| Qurilish materiallari | Gʻisht; tosh |
| Holati |
Masjid (1460–1820-yillar) |
Umumiy maʼlumot
U Isa Bey Evrenosogʻlining qizi Hafsa Xotun buyrugʻi bilan qurilgan, biroq Rumeliyaning beylarbeyi Hamza Bey nomi bilan atalgan. Keyingi zilzilalar va yongʻinlar oqibatida zarar koʻrgan va 1620-yilda qayta tiklangan, shuningdek qoʻshimcha madrasa qerilgan.
Gretsiya va Turkiya oʻrtasidagi aholi almashinuvidan soʻng masjid diniy bino sifatida faoliyat yuritmagan va Gretsiya Milliy banki mulkiga aylangan. Dastlab u turli harbiy xizmatlar uchun ishlatilgan, 1926-yilda muhofaza etiladigan yodgorlik deb eʼlon qilinganiga qaramay, 1928-yilda xususiy egalariga sotilgan. keyinchalik bino bir necha oʻn yillar davomida kinoteatr sifatida ishlatilgan va keng koʻlamli oʻzgartirishlarga uchragan. Masjid 2006-yilda Gretsiya Madaniyat vazirligiga topshirilgan va restavratsiya ishlari boshlangan.
Masjid gumbaz bilan yopilgan boʻlib, unda 1923-yildan keyin olib tashlangan minora boʻlgan.
Yana qarang
Manbalar
- ↑ The Rough Guide to Greece, 4 May 2012. ISBN 9781409359593.
Havolalar
Vikiomborda „Hamza bey masjidi“ mavzusi boʻyicha mediafayllar bor.
- „Hamza Bey Camii“ (tr). tursab.org.tr.