Yashnobod tumani

Яшнобод тумани
туман
Мамлакат	Ўзбекистон
{{{минтақа_тури}}}	Тошкент
Ҳукумат
• ҳоким	Раҳмонқулов Бахтиёр Тугамбаевич
Асос солинган	1968-йил
Аввалги номлари	Ҳамза Куйбишев
Майдон	33.70 км2 (13.01 кв ми)
Аҳолиси  (2018)	231 900

Яшнобод тумани (аввалги номи Ҳамза) — Тошкентдаги маъмурий ҳудудий бирлик. 1968-йилда ташкил қилинган. Ҳамза номига қўйилган. Ғарбда Амир Темур хиёбони ва Йўлдош Охунбобоев кўчасидан бошлаб шарқда Оҳангарон йўлигача давом этади. Худуди 3,46 минг га шу жумладан, кўкаламзорлар — 172 га. Аҳолиси 208,7 минг киши (2004). Кучалар сони 220 та. Асосий магистраллари: Жарқўрғон, Лисунов, Ҳамза, Йўлдош Охунбобоев кучалари ва Фаргона, Оҳангарон йўллари. Яшнобод туманида 50 та маҳалла мавжуд.

Корхона ва ташкилотлар

Туман ҳудудида 2152 та ташкилот, шу жумладан, 34 саноат корхонаси (Тошкент авиация ишлаб чикариш бирлашмаси, „Тошқишлоқмаш“, „Тошмаргёғ“, „Тошкентвино“, „Ўзбек қоғози“, „Ўзбекистон шампани“, „Тошдонмаҳсулот“, „Тошкентгуруч“ аксиядорлик жамиятлари корхоналари ва бошқалар); 168 курилиш ташкилоти; темир йўл транспорти корхоналари — тепловоз ва вагон деполари, Тошкент юк ортиштушириш темир йўл стансияси бор. Шунингдек, туманда 37 транспорт ва алоқа корхоналари жойлашган.

Кейинги йилларда ташкил қилинган „Фарм Гласе“ Узбекистан—Британия, „Туфин“ Ўзбекистон—Исроил, „ЛокКолорСинтез“ Ўзбекистон — Швейсария, „ХобасТапо“ Ўзбекистон—Германия—Швейсария, „НWА“ — Ўзбекистон—Россия қўшма корхоналарида импорт ўрнини босувчи ва экспортбоп маҳсулотлар ишлаб чиқариш йўлга қўйилган.

Яшнобод туманида Ўзбекистон Республикаси Фанлар академияси Президиуми, 3 илмий тадқиқот института, Ўзбекистон миллий ахборот агентлиги, 25 умумий таълим мактаби, 50 та мактабгача тарбия муассасаси, 5 мусика, мактаби, 4 касбҳунар коллежи, Тошкент биринчи тиббиёт институти ва бизнес мактаби бор. 9 касалхона, 30 поликлиника ва амбулатория муассасаси, 1 қон куйиш стансияси фаолият кўрсатади. Аҳолига 359 озиқ-овқат, 595 саноат моллари дўконлари, 197 умумий овқатланиш, 324 маиший хизмат кўрсатиш шохобчалари хизмат қилади. 16 жамоат кутубхонаси, 4 кинотеатр, 2 маданият саройи, 4 маданият уйи, „БахтРоҳат“ дам олиш зонаси бор. Турар жой фондининг умумий майдони 2,5 млн.м2 га яқин.