Ziyosfera

Humo Arena

Ҳумо Арена – Ўзбекистон пойтахти Тошкент шаҳридаги йирик кўп функсияли спорт-кўнгилочар мажмуаси ва муз саройи саналади. Шаҳарнинг марказий қисмида, Чилонзор туманида, Афросиёб ва Бешёғоч кўчалари кесишган жойда қад ростлаган.

Ҳумо Арена
Тўлиқ номи «Ҳумо Арена» муз мажмуаси
Қачон қурилган март 2019
Қачон очилган 15 март 2019
Юзаси муз
Бош пудратчи Wинд Росе
Ҳажми 12 500

Имконияти бўйича Марказий Осиёдаги энг йирик муз саройи, МДҲдаги Беларус „Минск-Арена“дан кейинги иккинчиси.

Бу Тошкентнинг бир қанча хоккей клубларининг уй аренаси: „Ҳумо“, „Бинокор“, „Семург“ ва „Тошкент“.

Тарихи

Ҳумо арена

Қурилиш

Муз саройи қурилиши режалари ҳақида илк бор Ўзбекистон Президентлигига номзод Шавкат Мирзиёев 2016-йил 24-ноябр куни 2016-йилги сайловолди ташвиқоти доирасида Тошкент шаҳрида сайловчилар билан учрашуви чоғида омма олдида маълум қилган эди. Спорт иншооти „Ўқчи“ маҳалласида жойлашиши тахмин қилинган эди[1]. Бироқ кейинчалик унинг ҳудуди „Ташкент Ситй“ халқаро бизнес марказига берилди.

2017—2021-йилларга мўлжалланган ёш авлод салоҳиятини рўёбга чиқаришни қўллаб-қувватлаш дастури доирасида мазкур обектни қуриш ташаббуси билан 2017-йилда Шавкат Мирзиёев аллақачон давлат раҳбари бўлган эди.

Қурилиш 2017-йил июл ойи охирида бошланган. Дастлаб „Ҳумо Арена“ 2018-йил декабр ойида очилиши режалаштирилган эди, бироқ декабр ойи охирида қурилаётган муз мажмуаси яқинида қурилаётган автотураргоҳ жойида ёнғин чиқиб, қурилиш материаллари ҳам ёниб кетади. Шундан сўнг очилиш Наврўз байрами арафасида март ойига кўчирилди.

Очилиш маросими

2019-йил 15-март куни Ўзбекистон Президенти ва Халқаро хоккей федерасияси президенти Рене Фасел иштирокида „Ҳумо Арена“нинг очилиш маросими бўлиб ўтди. Таклиф этилган санъаткорлар Филипп Киркоров, Николай Басков, Дима Билан ҳамда ўзбек шоу-бизнеси ва эстрада вакилларидан ташкил топган эди. Шунингдек, Павел Буре, Валерий Каменский, Виталий Прохоров, Алексей Жамнов, Александр Якушев иштирок этган совет ва Россия хоккей юлдузларидан иборат миллий терма жамоа билан Ўзбекистон ёш хоккейчилари ўртасида ўртоқлик учрашуви бўлиб ўтди. Очилишда Татяна Навка ва Пётр Чернишев ҳам иштирок этишди, улар „Шелкунчик“ мусиқий балетини намойиш этишди[2][3].

Мақсад ва вазифалари

Яратилиш жараёни

„Ҳумо Арена“нинг меъморий ғояси Ўзбекистонда умумий севги, бахт ва эркинлик рамзи бўлган афсонавий Ҳумо қушининг сурати бўлиб, қуш қанотидан арена биносининг ўзи ва пиёдалар йўлакларининг шаклида яратилган. Яшил майдонлар, қирғоқ ва тематик меъморий ҳудудлари мажмуанинг меъморий ғоясига мувофиқ қурилган.

Ҳумо Арена йирик кўп функсияли спорт мажмуасининг бир қисмидир. Асосий муз аренаси 12500 кишини сиғдира олади ва асосан шайбали хоккей ўйинлари учун (бундан ташқари тўпли хоккей учун ҳам) мўлжалланган. Асосий муз аренасида имконияти чекланганлар учун қулайликлар, фахрий меҳмонлар учун учта ВИП-қути, шунингдек, сиғими 14 дан 22 гача бўлган 34 та ВИП-қутилар мавжуд. Зал спорт тадбирига қараб тартиб ва ўриндиқлар сонини ўзгартириш имкониятига эга[4][5] .

„Ҳумо“ клубининг ОХЛ чемпионатидаги илк ўйини. Ҳумо Арена, 2019-йил 11-сентабр.

Кичик машғулот муз аренаси 200 кишини сиғдира олади. Бундан ташқари, „Ҳумо Арена“да спортчилар учун бир нечта кийим алмаштириш хоналари, учта спорт ва тренажёр зали, фитнес маркази, спорт музейи, ресторан, кафе ва аренага қарашли спорт-бар, матбуот маркази, матбуот-анжумани зали, қўшимча ёрдамчи хоналар ва майдонлар, спорт жиҳозлари дўконлари, ўқув ва кўнгилочар болалар зонаси, бошқа спорт ва кўнгилочар об’ектлар мавжуд. Мажмуага туташ ҳудудда тўрт қаватли автомобиллар учун тўхташ жойи, дам олиш жойлари[4][5][6]. Асосий ва кичик ареналарнинг конки майдонларининг ўлчамлари Олимпия стандартига мос келади (60 × 30 м).

Ҳумо Аренада шунингдек, сноубордчилар ва тоғ чанғи спортчилар учун реал шароитларга имкон қадар яқин бўлган иккита чанғи симулятори мавжуд[7].

Йўналиши

Катта ва кичик ареналар асосан шайбали ва тўпли хоккей бўйича мусобақалар ўтказиш учун мўлжалланган, аммо бу ареналарда фигурали учиш, шорт-трек, кёрлинг бўйича мусобақалар ва турнирлар ўтказиш учун имконият ва шароитлар ҳам мавжуд[5].

Асосий аренани баскетбол, волейбол, гандбол ва мини-футбол каби жамоавий спорт тадбирлари, шунингдек, бокс, ММА ((УФC), кураш, дзюдо, юнон-рум кураши, эркин кураш, карате, таэквондо, муай-тай ва яккакурашнинг бошқа турлари бўйича турнир ва жанглар ўтказиладиган жой бўгани боис зал 14 минг нафар кишига мўлжалланган. Шунингдек, „Ҳумо Арена“ консерт, шоу, байрам тадбирлари ўтказиш имкониятига эга[5].

Кичкина аренада бутун йил давомида конкида учиш узлуксиз фаолиятини олиб боради[8].

Безатилиши

Мажмуа йўлаклари муаллиф рассом Бобур Исмоиловнинг паннолари билан безатилган.

Алишер Навоийнинг „Лисон-ут-тайр – Қушлар тили“ номли аллегорик достони мусаввирни Ҳумо қушига йўл ўтадиган етти водий: Изланиш, Муҳаббат, Билим, Бефарқлик, Бирлик, Саросим, Ажралиш водийси тимсоли бўлган етти фреска яратишга илҳомлантирган. „Водийлар бўйлаб саёҳат“ мажмуа қурилишининг бошида қўйилган тошли панел билан якунланади.

„Ҳумо Арена“ фоесига ГАЗ-13 ва ГАЗ-14 „Чайка“ автомобиллари ўрнатилган.

Манбалар

  1. ↑ „Памятник Каримову, кольцевая электричка и другие проекты: Мирзиёев о будущем Ташкента“ (2016-йил 25-ноябр). Қаралди: 2018-йил 20-октябр.
  2. ↑ „Ледовый дворец «Хумо Арена» открылся в Ташкенте. Там появится команда КХЛ“ (ру). спорт24.ру. Қаралди: 2019-йил 25-март.
  3. ↑ „КХЛ в Узбекистане – это реально?“ (ру). «Спорт-Экспресс». Қаралди: 2019-йил 25-март.
  4. ↑ 4,0 4,1 „Арены“ (ру). ҳумоарена.cом. 2019-йил 29-мартда асл нусхадан архивланган. Қаралди: 2019-йил 25-март.
  5. ↑ 5,0 5,1 5,2 5,3 „Большая арена“ (ру). ҳумоарена.cом. 2019-йил 25-мартда асл нусхадан архивланган. Қаралди: 2019-йил 25-март.
  6. ↑ „Инфраструктура“ (ру). ҳумоарена.cом. 2019-йил 29-мартда асл нусхадан архивланган. Қаралди: 2019-йил 25-март.
  7. ↑ „Лыжный симулятор“ (ру). ҳумоарена.cом. 2019-йил 29-мартда асл нусхадан архивланган. Қаралди: 2019-йил 25-март.
  8. ↑ „Тренировочная арена“ (ру). ҳумоарена.cом. 2019-йил 25-мартда асл нусхадан архивланган. Қаралди: 2019-йил 25-март. 
"https://new.ziyosfera.uz/ziyo/Humo_Arena" dan olindi