Injil

Марк баён қилган Хушхабарининг араб тилидаги нусхаси (1590).

Инжил (арабча: إنجيل ‎‎ юнонча: εὐαγγέλιον – русча: Евангелие) – Ислом дини таълимотларига кўра, Аллоҳ Исога Жаброил орқали оғзаки тарзда нозил қилган китоб. Шунингдек, Инжил Евангелия (юнонча: εὐαγγέλιον – хушхабар) – Исо Масиҳ ҳақида ҳикоя қилувчи Янги Аҳдни ўз ичига қамраб олади.

Таърифи

Библиянинг бир қисми. Яҳудийларнинг Қадимги аҳддан фарқ қилиш учун Инжил Янги аҳд деб номланган. Қонунлаштирилган (черков томонидан „Янги аҳд“ таркибига киритилган) ва қонунлаштирилмаган (ибодат чоғида қўлланилмайдиган) асарларга бўлинади. Юнон тилида яратилган. ИИ асрлардан бошлаб юз йилликлар давомида таркиб топа борган. ИВ аср бошида яхлит ҳолга келган ва черков томонидан христианларнинг муқаддас китоби, деб эълон қилинган. Асосий қисми апостоллардан Матфей, Марк, Лука ва Иоаннинг Иисус ҳаёти ва таълимоти ёритилган Инжил лардан иборат. Инжил ларда Иисус сий-мосида инсонлар узоқ кутган ва уларга нажот йўлини кўрсатиб берган мессия (масиҳо) нинг дунёга келиши, ўз линий қарашларини тарғиб этиши, кўрсатган мўъжизалари, одам зотининг гуноҳларини ювиш учун чеккан уқубатлари, хиёнат туфайли айбланиб, чор-мих қилиниши ва сўнг қайта тирилиши ҳақидаги ривоят ҳамда хотиралар келтирилган. Айрим ривоятларда Иисус инсон ва масиҳ сифатида талқин қилинса, бошқаларида инсон қиёфасидаги Худо, тирилгандан сўнг эса ота-Худо ҳузурига қайтиб борган ўғил-Худо деб таъкидланади. Инжил да унинг таржи-маи ҳолига оид воқеалар билан ёнма-ён пайғамбарона ҳикматли сўзлари, ибратомуз масаллари бадиий услубда баён этилади. Шунингдек, икки улуғ апостол – Петр ва Павелнинг яҳудийлар ва мажусийлар орасида динни ёйиш мақсадида амалга оширган ишлари, кўрган машаққатлари тўғрисидаги ҳикоялар, Қадимги Римдаги айрим йирик шаҳарларнинг фуқароларига, диний жамоаларнинг пешволарига йўлланган мактублари ва б. ўрин олган. Фаластин ва эллинлар диёрида Инжил нинг тарқала бориши, Рим императори Нерон замонида христианларнинг қувғунга учраши каби тарихий воқеалар ҳам ўз аксини топган.

Қуръони каримда Инжил илоҳий китоблар сирасига киритилади ва Худо Исо Масиҳга йўллаган китоб, деб таърифланади. Қуръонга кўра, Инжилда Муҳаммаднинг туғилиши башорат қилинган, аммо христианлар Инжилнинг асл матнини бузишган.

Инжил Ғарб маънавияти ва маданияти тарихида чуқур из қолдирган, жаҳонда энг кўп тарқалган ва таржима қилинган асарлар сирасига киради. Инжил нинг илк босма нашрлари кардинал Хименес (1514), Роттердамлик Эразм (1516), ака-ука Элзевирлар (1546) томонидан тайёрланиб, чоп этилган. Ўзбек тилидаги тўлиқ нашри кирилл ёзувида 1992-йилда сўзбоши, луғат, жадвал ва рангли суратлар билан бирга Библияни таржима қилиш институти (Стокголм) томонидан чиқарилган.