Inozit

Инозит, гексаоксициклогек-сан, сиклит — олти атомли сиклик спирт, ширин таъмли, қаттиқ модда. Мол. м. 180,2. Суюқланиш температураси 225—227°. 9 та стереоизомери мавжуд. Улардан фақат мезоинозит В гуруҳидаги витаминларнинг хоссаларини на-моён қилади. Сувда яхши эрийди. Органик эритувчиларда эримайди. Ўсимликлар таркибида асосли фитин кислота ва унинг калсий-магнийли тузи кўри-нишида бўлади. Баъзи ўсимликлар учун И. ўсиш омили ҳисобланади. Инсон организмининг И.га бўлган эҳтиёжи бир суткада — 1 — 1,5 г . Овқатда оқсил етишмаганда И. жигарни ёғ босишининг олдини олади.