Iru Khechanovi
Irina „Iru“ Khechanovi (gruzincha: ირინა "ირუ" ხეჩანოვი; 2000-yil 3-dekabrda tugʻilgan) — Iru nomi bilan tanilgan gruziyalik qoʻshiqchi va qoʻshiqnavis. U „Candy“ qizlar guruhi aʼzosi sifatida „Candy Music“ qoʻshigʻi bilan „Yoshlar oʻrtasidagi Eurovision — 2011“ qoʻshiq tanlovida gʻolib chiqqan[1]. Iru 2023-yilda „The Voice Georgia“ loyihasining beshinchi mavsumida gʻalaba qozongan hamda keyinchalik Gruziya vakili sifatida „Eurovision — 2023“ qoʻshiq tanlovida ishtirok etgan[1].
Iru Khechanovi | |
|---|---|
 Khechanovi 2023-yilda | |
| Umumiy maʼlumot | |
| Tavalludi |
2000-yil 3-dekabr |
| Janrlar | Pop |
| Faoliyat yillari | 2011–hozirgi |
| Leybllar |
|
Bigorafiyasi
Irina Khechanovi 2000-yil 3-dekabrda Tbilisi shahrida tugʻilgan[2][3]. U arman millatiga mansub[4]. Bolalik davrida turli musiqaga aloqador tanlovlarida qatnashgan. 2011-yilda, oʻzining oʻn bir yoshga toʻlgan kunida, „Candy“ qizlar guruhi tarkibida Armanistonning Yerevan shahrida oʻtkazilgan „Yoshlar oʻrtasidagi Eurovision — 2011“ qoʻshiq tanlovida Gruziya vakili sifatida ishtirok etgan[1][2]. Guruh 108 ball bilan tanlov gʻolibiga aylangan[5].
2019-yilda Khechanovi „Georgian Idol“ loyihasida qatnashgan. 2021-yilda esa u oʻzining ilk yakkaxon „No Jerk Around Me“ singlini chiqargan[6].
2022-yilda Khechanovi avvalgi mavsum gʻoliblari bilan birgalikda „Yoshlar oʻrtasidagi Eurovision — 2022“ qoʻshiq tanlovida popuri ijro etish uchun sahnaga chiqqan[1]. Shuningdek, u Mariam Bigvava tomonidan ijro etilgan hamda Gruziya vakili sifatida qatnashgan „I Believe“ qoʻshigʻining hammualliflaridan biri boʻlgan[3]. Mazkur ishtirok uchinchi oʻrinni egallagan.
Oʻsha yilning oʻzida Khechanovi „The Voice Georgia“ loyihasining beshinchi mavsumida qatnashgan. U 2023-yil 2-fevralda tanlov gʻolibiga aylangan hamda shu orqali Gruziya vakili sifatida „Eurovision — 2023“ qoʻshiq tanlovida ishtirok etish huquqini qoʻlga kiritgan. Uning „Echo“ nomli qoʻshigʻi 2023-yil 16-martda chiqarilgan. Khechanovi 2023-yil 11-may kuni ikkinchi yarim finalda sahnaga chiqqan, biroq 12-oʻrinni egallab, grand final bosqichiga yoʻllanma ololmagan.
2025-yil dekabr oyida Khechanovi „Candy“ guruhi aʼzolari bilan birgalikda „Yoshlar oʻrtasidagi Eurovision — 2025“ qoʻshiq tanlovining tanaffus dasturida chiqish qilgan. Ular „Code“ nomli qoʻshiqni ijro etgan.
Manbalar
- ↑ 1,0 1,1 1,2 1,3 „Georgia: Iru Khechanovi wins ticket to Liverpool 2023“ (en). Eurovision.tv. EBU (2023-yil 2-fevral). 2023-yil 2-fevralda asl nusxadan arxivlangan. Qaraldi: 2023-yil 3-fevral.
- ↑ 2,0 2,1 „CANDY“ (en). Junioreurovision.tv. EBU. 2022-yil 8-aprelda asl nusxadan arxivlangan. Qaraldi: 2023-yil 4-fevral.
- ↑ 3,0 3,1 „Junior-ESC-Siegerin Iru Khechanovi singt für Georgien beim ESC“ (de). Eurovision.de. NDR (2023-yil 3-fevral). 2023-yil 3-fevralda asl nusxadan arxivlangan. Qaraldi: 2023-yil 3-fevral.
- ↑ „Georgian-Armenian Iru Khechanovi to represent Georgia at Eurovision Song Contest 2023“. Armenpress (2023-yil 3-fevral). 2023-yil 14-martda asl nusxadan arxivlangan. Qaraldi: 2023-yil 7-fevral.
- ↑ Adams, Oliver „Iru Khechanovi wins The Voice Georgia and will sing at Eurovision 2023 in Liverpool“. Wiwibloggs (2023-yil 2-fevral). 2023-yil 14-martda asl nusxadan arxivlangan. Qaraldi: 2023-yil 3-fevral.
- ↑ Granger, Anthony „Georgia: Eleven Singers Receive Golden Ticket in Georgian Idol Show Two“. Eurovoix (2019-yil 13-yanvar). 2023-yil 14-martda asl nusxadan arxivlangan. Qaraldi: 2023-yil 3-fevral.