Isabel Fernández sahifasining manbasini koʻrish

== Hayoti ==
Isabel Fernándezning faoliyatidagi birinchi muvaffaqiyati [[1988|1988-yilda]] dzyudo boʻyicha oʻsmirlar oʻrtasidagi Yevropa chempionatida olgan bronza medali boʻlgan. Kattalar oʻrtasidagi debyuti 1995-yilda [[Birmingem|Birmingemdagi]] Yevropa chempionatida boʻlib oʻtgan. Unda Isabel 56 kg gacha vazn toifasida ishtirok etib, kutilmaganda [[Nicola Fairbrother|Nicola Fairbrotherga]] yutqazib qoʻygan va kumush medal sohibiga aylangan. Keyinchalik Isabel har yili qitʼa chempionati gʻolibiga aylandi (2000 va 2001-yillar bundan mustasno). Ispaniyalik sportchi hisobida 4 ta oltin, 4 ta kumush va 4 ta bronza medallar bor.

[[1995|1995-yilda]] Isabel jahon chempionatida debyut qilgan. [[Tokio|Tokiodagi]] musobaqada Isabel bronza medali uchun bahsda magʻlub boʻlib, 5-oʻrinni egallagan.

[[1996|1996-yilda]] Isabel oʻzining birinchi Olimpiada oʻyinlarida ishtirok etdi. 56 kggacha boʻlgan vazn toifasida yarim finalda Isabel koreyalik [[Jung Sun-yong|Jung Sun-yongga]] yutqazib qoʻygan. Shundan keyin Isabel britaniyalik [[Nicola Fairbrother]] bilan uchinchi oʻrin uchun kurash olib borgan. Isabel raqibini magʻlub qilib, bronza medalini qoʻlga kiritgan<ref>[https://web.archive.org/web/20070824201303/http://www.databaseolympics.com/players/playerpage.htm?ilkid=FERNAISA01 "databaseolympics.com"(Retrieved] on 5 August 2016)</ref>.

Bir yil oʻtgach, [[Parij|Parijdagi]] jahon chempionatida Isabel finalda Atlanta Olimpiadasi chempioni kubalik [[Driulis González|Driulis Gonzálezni]] magʻlub etib, oʻzining birinchi oltin medalini qoʻlga kiritdi<ref name=":0" />. [[1999|1999-yilda]] [[Birmingem|Birmingemda]] boʻlib oʻtgan jahon chempionatida yangi vazn toifasida Parij chempionatining finali takrorlandi. Ammo bu safar kubalik sportchi kuchliroq boʻlib chiqib, Isabelni magʻlub qilgan.

[[2000|2000-yilda]] [[Sidney|Sidneyda]] boʻlib oʻtgan [[2000-yilgi Yozgi Olimpiada oʻyinlari|Olimpiada oʻyinlarida]] Izabel juda qiyinchilik bilan finalga chiqishga muvaffaq boʻlgan va u yerda yana [[Driulis González|Driulis Gonzálezga]] qarshi kurashga chiqqan. Kurash juda shiddatli boʻlgan, ammo yakunda hakamlar ispaniyalik sportchining gʻalabasini qayd etishgan<ref name="db-ol2000" />.

Isabel jahon chempionatlarida yana ikki karra sovrindor boʻlishga muvaffaq boʻlgan. [[2001|2001-yilda]] [[München|Myunxendagi]] jahon chempionatida ispaniyalik dzyudochi bronza medali sohibiga aylandi, [[2007|2007-yilda]] [[Rio-de-Janeyro|Rio-de-Janeyrodagi]] chempionat finalida [[Koreya Xalq Demokratik Respublikasi|Shimoliy Koreya]] sportchisi [[Sun Hui Kye|Sun Hui Kyega]] yutqazib, ikkinchi oʻrinni egallagan.

[[2004-yilgi Yozgi Olimpiada oʻyinlari|2004-yilgi Yozgi Olimpiada oʻyinlarida]] ochilish marosimida Ispaniya terma jamoasi bayrogʻini koʻtarish huquqi Isabelga ishonib topshirilgan. Musobaqaning oʻzida Fernandes birinchi bahsdayoq oʻtgan yilgi jahon chempionatining kumush medali sovrindori, germaniyalik [[Yvonne Bönisch]] bilan toʻqnash kelgan. Ispaniyalik boʻlajak Olimpiada chempioniga qarshi hech narsa qila olmagan. Uchinchi oʻrin uchun boʻlgan uchta saralash bosqichi oʻtgan Isabel bronza medali uchun boʻlgan bahsda kubalik [[Yurisleidy Lupetey]] bilan kurashgan. Kuchli bahsda kubalik sportchi kuchliroq chiqqan boʻlib, bronza medalini qoʻlga kiritgan.

[[2008-yilgi Yozgi Olimpiada oʻyinlari|2008-yilgi Yozgi Olimpiya oʻyinlari]] 36 yoshli ispaniyalik sportchi uchun toʻrtinchisi boʻlgan. Ammo Isabel boshqa Olimpiada medalini qoʻlga kirita olmadi. Dastlab Isabel chorak finalda niderlandiyalik [[Deborah Gravenstijn|Deborah Gravenstijnga]] yutqazgan boʻlsa, keyingi bahsda braziliyalik [[Ketleyn Quadros|Ketleyn Quadrosga]] imkoniyatni boy bergan.

[[Pekin|Pekindagi oʻyinlar yakunlanganidan soʻng,]] sportchi sport faoliyatini davom ettirishini va 2012-yilda [[London|Londonda]] boʻlib [[2012-yilgi Yozgi Olimpiada oʻyinlari|oʻtadigan Olimpiya oʻyinlariga]] borishga harakat qilishini maʼlum qilgan.