Ibrohimjon Iskandarov

Иброҳимжон Искандаров (1932-йил 8-май, Сайрам тумани Қорамурт қишлоғи, Қозоғистон — 2020-йил 13-декабр) — иқтисодчи олим, Ўзбекистон Фанлар академикемияси академиги (1979), Ўзбекистонда хизмат кўрсатган фан арбоби (1992), иқтисод фанлари доктори (1969), профессор (1973). Тошкент молия-иқтисод институтини тугатган (1953). Ўзбекистон Фанлар академияси ижтимоий фанлар бўлими котиби (1962—1963), Иқтисодиёт институтида бўлим мудири (1963—1968). Ўзбекистон Давлат режа қўмитаси ҳузуридаги Иқтисодий тадқиқотлар институтида илмий ишлар бўйича директор ўринбосари (1968—1969). Ўзбекистон Фанлар академияси Иқтисодиёт институти директорининг ўринбосари (1969—1971), директори (1971—1975). Тошкент халқ хўжалиги институти ректори (1975—1976), Ўзбекистон Фанлар академияси Фалсафа, иқтисод ва ҳуқуқ бўлими Академик котиби (1976—1979) ва раиси (1984—1987); Фанлар академияси Президиуми бош илмий котиби (1979—1984). Ўзбекистон Вазирлар Кенгаши раисининг ўринбосари — Давлат Режа қўмитаси раиси (1987—1989); Ўзбекистон Фанлар академияси Республика ишлаб чиқарувчи кучларини ўрганиш кенгаши раиси (1989—1990), Ўзбекистон Фанлар академияси вице-президенти (1990—1996). 1997-йилдан Ўзбекистон Фанлар академияси Иқтисодиёт институтида иқтисодий интеграция муаммолари бўлими бошлиғи.

Искандаровнинг илмий ишлари саноат иқтисодиёти, ялпи миллий маҳсулотни ҳисоблаш услубияти, бозор иқтисодиётига ўтиш шароитида Ўзбекистоннинг жаҳон иқтисодиётига интеграциялашуви муаммоларига бағишланган. Беруний номидаги Ўзбекистон Давлат мукофоти лауреати (1974).

Манбалар

• Экономические проблеми развития текстилной промишленности в Ўзбекистане, Т., 1969; Проблеми экономической науки в Ўзбекистане, Т., 1979.