Ivan Edeshko
Иван Иванович Эдешко (беларусча: Іван Іванавіч Ядэшка; 1945-йил 25-март; Стески, Гродно вилояти) — совет баскетболчиси. СССРда хизмат кўрсатган спорт устаси (1972); „Ҳурмат Белгиси ордени“ соҳиби (1972).
| Иван Эдешко | |
|---|---|
 | |
| Шахсий маълумотлари | |
| Жинси | Эркак |
| Фуқаролиги |
 СССР  Беларус |
| Таваллуд санаси |
1945-йил 25-март Гродно вилояти, Белоруссия ССР |
| Фаолият йиллари | 1963—1981 |
| Бўйи | 1.96 м |
| Вазни | 91 кг |
| Турмуш ўртоғи | Лариса Эдешко |
| Болалари | Наталя Эдешко |
| Спорт | |
| Қайси спорт | Баскетбол |
Таржимаи ҳоли
Гродно вилоятидаги баскетбол мактаби битирувчиси. Биринчи мураббийи — Яков Иосифович Фруман[1].
Беларус давлат жисмоний тарбия университетини тамомлаган (1970).
„Спартак“ (Минск), РТИ (Минск), ССКА (Москва) ва СКА (Киев) баскетбол клубларида фаолият юритган.
Иван Эдешко АҚШ терма жамоасига қарши ўтган Мюнхен олимпиадасининг (1972) финали тугашига уч сония қолганида Александр Беловга „олтин пас“ бериб, баскетбол тарихига кирди. Ўйин якунида СССР терма жамоаси баскетболчилари америкаликлардан минимал фарқ билан ғалабани тортиб олишди (51:50)[2].
1979-йилдан КПСС аъзоси. 1982-йилги жаҳон чемпионати (1-ўрин) ва 1987-йилги Европа чемпионатида (2-ўрин) СССР терма жамоасига мураббийлик қилган.
Россияда хизмат кўрсатган мураббий, СССРда хизмат кўрсатган мураббий.
1992-йил ССКА эркаклар жамоаси Иван Эдешко мураббийлигида Россия чемпиони бўлган. 1993-йилда Эдешко Ливаннинг „Спортинг“ клубини бошқарган ва мамлакат чемпионига айлантирган. Виктор Кулагин ва Сергей Шчепоткинлар клубнинг етакчи баскетболчилари бўлишган.
1998—1999-йилларда Россия ўсмирлар терма жамоасига мураббийлик қилган.
1999—2001-йилларда Россия ёшлар терма жамоаси бош мураббийи бўлган.
Оиласи
Отаси — Иван Александрович Эдешко (1907—1997). Онаси — Анна Викентевна Эдешко (1912—1988). Акаси — Эвстафий Эдешко — Гродно давлат университетининг жисмоний тарбия кафедрасида ишлайди.
Хотини — Лариса Андреэвна Эдешко (1946-йилда туғилган), Москва давлат университетини тамомлаган, ўқитувчи бўлиб ишлаган. Қизи — Наталя Ивановна Эдешко (1970-йилда туғилган) — теннисчи, спорт устаси, ССКА клубида фаолият юритган. Куёви — Андрей Артемевич Нечаэв, (1963-йилда туғилган), „Химки“ баскетбол клубининг собиқ президенти (2012-йил август—2013-йил январ). Неваралари: Артем ва Иван.
Манбалар
- ↑ „БАСКЕТБОЛИСТ 80-ЛЕТИЯ. Иван Едешко: Хитрости не научишь“. 2019-йил 13-апрелда асл нусхадан архивланган. Қаралди: 2018-йил 23-август.
- ↑ „БАСКЕТБОЛ. ХХ Олимпийские игры. ФИНАЛ“. 2019-йил 13-апрелда асл нусхадан архивланган. Қаралди: 2018-йил 23-август.